АТГ-аас БХБ-ын Сайд асан З.Баянсэлэнгийг эрх мэдэл, албан тушаалаа урвуулан ашиглаж, улсад их хэмжээний хохирол учруулсан гэх үндэслэлээр шалгаж байна. Түүнийг өмнөх парламентын үед “Түрээсийн орон сууц хөтөлбөр”-ийн хүрээнд улсын төсөвт 900 гаруй сая төгрөгийн хохирол учруулсан гэх үндэслэлээр энэ оны эхээр шалгах болсон. Тэгвэл уг хэргийг үйлдсэн болох нь тогтоогджээ.

Түүний энэхүү үйлдвэлд АТГ-аас Эрүүгийн хуулийн 263 дугаар зүйлийн 363,2-т зааснаар хэрэг үүсгэж, мөрдөн шалгах ажиллагаа явуулж байгаа аж. Энэ талаар албаны эх сурвалжаас тодруулахад “З.Баянсэлэнгэд эрүүгийн хэрэг нээсэн. Тэрээр Засгийн газрын гишүүн, Барилга, хот байгуулалтын Сайдаар ажиллаж байхдаа зах зээлд борлогдоогүй орон сууцнаас худалдан авах замаар улсад 900 гаруй сая төгрөгийн хохирол учруулсан. Өөрөөр хэлбэл, төрийн өмчийн түрээсийн 1300 айлын орон сууцны сан бүрдүүлэлгүйгээр ашиглалтад ороогүй орон сууцыг худалдан авсан болох нь тогтоогдсон” гэх мэдээллийг өгчээ.