Уулбаян сум аймагтаа жишиг сум болохоор ажиллаж байна
Сүхбаатар аймгийн Уулбаян сум бол сүүлийн жилүүдэд хөгжиж буй сумдын нэгээр зүй ёсоор нэрлэгддэг. Тийм ч учраас сумын удирдлагуудын зүгээс аймагтаа жишиг сум болох зорилтыг дэвшүүлэн ажиллаж байна. Энэ зорилтынхоо хүрээнд бүтээн байгуулалтын олон ажлууд өрнүүлсэн бөгөөд сүүлийн дөрвөн жилийн үр дүнгийн гэрээний биелэлтийн дундаж үзүүлэлтээр аймагтаа тэргүүлжээ.
Өнгөрсөн жил Уулбаян сум, Сум хөгжүүлэх сандаа 15 сая төгрөгтэй байсан ч бусад чиглэлийн хөрөнгө оруулалтаар 400 орчим сая төгрөгийг сум орон нутагтаа төвлөрүүлж чаджээ. Тодруулбал шонхор шувууны орлогоос 140 сая, ашигт малтмал ашиглалтын төлбөрөөс 100 гаруй сая, мөн улсын төсвөөс 100 гаруй сая төгрөгийг татаж, нийт 363,8 сая төгрөгөөр 38 төрлийн ажил үйлчилгээг санхүүжүүлсэн байна.
“Сүүлийн дөрвөн жилийн ажлын үзүүлэлтээрээ аймагтаа тэргүүлнэ гэдэг бол бид аймагтаа жишиг сум болно гэж зорьж ажилласны маань хэрэг бүтэж, өөрсдийн дэвшүүлсэн зорилтдоо тодорхой хэмжээгээр хүрсний илэрхийлэл гэж ойлгож байна. 2017 онд бид хүүхэд багачуудын сурч боловсрох болон ард иргэдийнхээ ажиллаж амьдрах таатай орчин нөхцөлийг бүрдүүлэхийн төлөө зорьж ажилласан. Жишээ нь, Ерөнхий боловсролын сургуулийн ариун цэврийн байгууламжийг орчин үеийн стандартад нийцүүлэн бүрэн шинэчилж, нутаг дэвсгэрийн болоод иргэдийн амар тайван байдлын хангах үүднээс сумын төвийг бүрэн камерын хяналтын системд холболоо. Мөн сумын төвийн хоёр худганд ус цэвэршүүлэх төхөөрөмж суурилуулсан. Ингэснээр иргэд маань эрүүл мэндэд сөрөг нөлөөгүй ундны усаар хангагдах боломж бүрдсэн. Гэр хорооллын гэрэлтүүлэг, ногоон байгууламж гээд сумын өнгө үзэмжийг сайжруулах ажлуудыг цаг алдалгүй хийж хэрэгжүүлсэн байгаа. 2018 онд хэдийгээр төсөв санхүү хүнд байгаа хэдий ч мөн л урьдын адил өөрсдийн хүчээр хөрөнгө босгох ажлыг хийж, ажиллахаар төлөвлөсөн байгаа.” гэж сумын Засаг дарга Д.Шижирбаатар ярилаа.
Сумын төвийн камерын систем нь 3-6 километрийн зай дахь дүрсийг өөр дээрээ буулгаж хадгалах хүчин чадалтай бөгөөд хамгийн сүүлд тус камерын тусламжтайгаар томоохон хулгайн гэмт хэргийг илрүүлжээ. Мөн гэмт хэрэг, зөрчлийн үзүүлэлт буурсан байна.
Өнгөрсөн жил Уулбаян сум, Сум хөгжүүлэх сандаа 15 сая төгрөгтэй байсан ч бусад чиглэлийн хөрөнгө оруулалтаар 400 орчим сая төгрөгийг сум орон нутагтаа төвлөрүүлж чаджээ. Тодруулбал шонхор шувууны орлогоос 140 сая, ашигт малтмал ашиглалтын төлбөрөөс 100 гаруй сая, мөн улсын төсвөөс 100 гаруй сая төгрөгийг татаж, нийт 363,8 сая төгрөгөөр 38 төрлийн ажил үйлчилгээг санхүүжүүлсэн байна.
“Сүүлийн дөрвөн жилийн ажлын үзүүлэлтээрээ аймагтаа тэргүүлнэ гэдэг бол бид аймагтаа жишиг сум болно гэж зорьж ажилласны маань хэрэг бүтэж, өөрсдийн дэвшүүлсэн зорилтдоо тодорхой хэмжээгээр хүрсний илэрхийлэл гэж ойлгож байна. 2017 онд бид хүүхэд багачуудын сурч боловсрох болон ард иргэдийнхээ ажиллаж амьдрах таатай орчин нөхцөлийг бүрдүүлэхийн төлөө зорьж ажилласан. Жишээ нь, Ерөнхий боловсролын сургуулийн ариун цэврийн байгууламжийг орчин үеийн стандартад нийцүүлэн бүрэн шинэчилж, нутаг дэвсгэрийн болоод иргэдийн амар тайван байдлын хангах үүднээс сумын төвийг бүрэн камерын хяналтын системд холболоо. Мөн сумын төвийн хоёр худганд ус цэвэршүүлэх төхөөрөмж суурилуулсан. Ингэснээр иргэд маань эрүүл мэндэд сөрөг нөлөөгүй ундны усаар хангагдах боломж бүрдсэн. Гэр хорооллын гэрэлтүүлэг, ногоон байгууламж гээд сумын өнгө үзэмжийг сайжруулах ажлуудыг цаг алдалгүй хийж хэрэгжүүлсэн байгаа. 2018 онд хэдийгээр төсөв санхүү хүнд байгаа хэдий ч мөн л урьдын адил өөрсдийн хүчээр хөрөнгө босгох ажлыг хийж, ажиллахаар төлөвлөсөн байгаа.” гэж сумын Засаг дарга Д.Шижирбаатар ярилаа.
Сумын төвийн камерын систем нь 3-6 километрийн зай дахь дүрсийг өөр дээрээ буулгаж хадгалах хүчин чадалтай бөгөөд хамгийн сүүлд тус камерын тусламжтайгаар томоохон хулгайн гэмт хэргийг илрүүлжээ. Мөн гэмт хэрэг, зөрчлийн үзүүлэлт буурсан байна.