Австрали улс нарны эрчим хүчний салбартаа тэсрэлт хийх нэгэн мэдээллийг дэлгэлээ. Аж үйлдвэрийн салбарын шинжээчид тус улсыг нарны эрчим хүчний хүчин чадлын хэмжээгээ нэг жилийн дотор хоёр дахин нэмэгдүүлж, их хэмжээний нарны зайн хавтан үйлдвэрлэн, нэг сарын дотор суурилуулах дээврийн хавтангийн тоогоороо дээд амжилт тогтооно хэмээн таамаг дэвшүүлснийг “The Guardian” сонины мэдээлжээ.

   Нарны зайн үйлдвэрлэл Австрасли улсад ид цэцэглэн хөгжиж байна. 2018 оны нэгдүгээр сард тус улс нь 111 мегаваттын шинэ дээврийн хавтан суурилуултаараа тэргүүлсэн тухай SunWiz шинжилгээний компанийн гаргасан дүгнэлтийг SunWiz сэтгүүл нийтэлсэн байна. Тус улс нь нарны зайн хавтан үйлдвэрлэлээ жилийн өмнөхөөс 69 хувиар нэмэгдүүлж чаджээ.



   Түүнчлэн энэ салбарт шинээр 30 үйлдвэрлэгч компани үйл ажиллагаа явуулж эхэлсэн байна. 2017 онд нарны хавтан үйлдвэрлэгчдийн тоо таамаглаж байснаас харьцангуй олноор нэмэгдсэнийг Кьюнсланд болон Шинэ Өмнөд Уэльсийн засаг захиргаанаас мэдэгджээ. Зөвхөн Кьюнсландад 18 том төсөл хэрэгжүүлсэн аж. Харин Шинэ Өмнөд Уэльсэд 2017 онд л гэхэд нарны хавтангийн 10 компани байгуулагдсан нь 2016 оны үзүүлэлттэй харьцуулахад хоёр дахин нэмэгдсэн дүн юм байна.



   Кьюнсландад гурван айл тутмын нэг нь суурилуулсан учраас орон сууцны нарны хавтангууд нь хэдийнээ эрчим хүчний томоохон эх үүсвэр болж чаджээ. Харин Шинэ Өмнөд Уэльс мужид байгуулагдсан нарны хавтангийн 10 үйлдвэр нь нүүрстөрөгчийн ялгаруулалтыг 2.5 сая тонноор бууруулж чаджээ. Ингэснээр 800,000 автомашины ялгаруулдаг бохирдлыг бууруулсантай тэнцэх аж.