“Цемент шохой” ХК-ийн 2.75 тэрбум ширхэг энгийн хувьцааг бүртгэлээ
Санхүүгийн зохицуулах хороо хуралдаж, “Цемент шохой” ХК-ийн нэмж гаргаж буй нэг бүр нь 100 төгрөгийн нэрлэсэн үнэ бүхий 2.75 тэрбум ширхэг энгийн хувьцааг үнэт цаасны бүртгэлд бүртгэлээ. Ингэснээр нэг бүр нь 100 төгрөгийн нэрлэсэн үнэ бүхий 2.9 тэрбум ширхэг хувьцаатай болж байна. Тус компани 2014 оноос жилд нэг сая тонн цемент үйлдвэрлэх хүчин чадалтай хуурай аргын технологийн шинэ үйлдвэр ашиглалтад оруулжээ. Мөн хоногт тус бүр нь 70 тонн шохой үйлдвэрлэх хүчин чадалтай босоо гурван зуухаар үйлдвэрлэл явуулдаг байна.
Мөн банк бус санхүүгийн зах зээлийг улс төр, эдийн засаг, санхүүгийн эрсдэлээс урьдчилан сэргийлэх, хөрөнгө оруулалтыг өсгөх зорилгоор сүүлийн нэг жилд Банк бус санхүүгийн байгууллагуудын хувь нийлүүлсэн хөрөнгийн доод хэмжээг нэмэгдүүлж байгаа аж. Энэ хүрээнд хувь нийлүүлсэн хөрөнгийн хэмжээг Улаанбаатар хотод 2.5 тэрбум төгрөг, Орхон, Дархан-Уул аймагт 600 сая төгрөг, бусад аймаг, сумдад 200 сая төгрөг байхаар тогтоож, дөрвөн жилийн хугацаанд үе шаттайгаар нэмэгдүүлэх хуваарийг баталлаа. Өмнө нь энэ оны тавдугаар сард Банк бус санхүүгийн байгууллагууд хувь нийлүүлсэн хөрөнгийг нэмэгдүүлэх хуваарь гаргаж байжээ. Тиймээс 2018 оны хоёрдугаар сарын 10 гэхэд Банк бус санхүүгийн байгууллагууд хувь нийлүүлсэн хөрөнгөө нэмэгдүүлэн, Санхүүгийн зохицуулах хороонд мэдэгдэж, бүртгэлдээ өөрчлөлт оруулах ёстойг анхаарууллаа.
Мөн банк бус санхүүгийн зах зээлийг улс төр, эдийн засаг, санхүүгийн эрсдэлээс урьдчилан сэргийлэх, хөрөнгө оруулалтыг өсгөх зорилгоор сүүлийн нэг жилд Банк бус санхүүгийн байгууллагуудын хувь нийлүүлсэн хөрөнгийн доод хэмжээг нэмэгдүүлж байгаа аж. Энэ хүрээнд хувь нийлүүлсэн хөрөнгийн хэмжээг Улаанбаатар хотод 2.5 тэрбум төгрөг, Орхон, Дархан-Уул аймагт 600 сая төгрөг, бусад аймаг, сумдад 200 сая төгрөг байхаар тогтоож, дөрвөн жилийн хугацаанд үе шаттайгаар нэмэгдүүлэх хуваарийг баталлаа. Өмнө нь энэ оны тавдугаар сард Банк бус санхүүгийн байгууллагууд хувь нийлүүлсэн хөрөнгийг нэмэгдүүлэх хуваарь гаргаж байжээ. Тиймээс 2018 оны хоёрдугаар сарын 10 гэхэд Банк бус санхүүгийн байгууллагууд хувь нийлүүлсэн хөрөнгөө нэмэгдүүлэн, Санхүүгийн зохицуулах хороонд мэдэгдэж, бүртгэлдээ өөрчлөлт оруулах ёстойг анхаарууллаа.