Дэлхийн хамгийн өндөр модон барилгад тооцогдоод буй Японы нэрт архитектор Шигэрү Баны террас хаус нь тансаг зэрэглэлийн хэд хэдэн орон сууцнаас бүрддэг аж. Ванкувер хотноо байрлах тус барилгын нэг орон сууцны үнэ гурван сая доллараас дээш үнэ хүрчээ. Тэрхүү 20 айлын орон сууц нь бие даасан эрчим хүчний системд холбогдсон ба хотын зүүн өмнөд хэсэгт мод үржүүлгийн ойгоос бэлтгэсэн модон материалыг иж бүрнээр нь ашигласан байна.

  Орчин цагийн өвөрмөц хэв загварыг шингээсэн террас хаус нь дэлхий дээрх хамгийн шинэлэг шийдэл бүхий барилгуудын нэгд тооцогджээ. Гурвалжин хэлбэртэй, байгалийн цэвэр материалыг ашигласан, олон террасаас бүтсэн уг 19 давхар барилгын загварыг хөрш зэргэлдээ орших хуучин барилгуудтай уялдаа холбоотой байхаар төлөвлөсөн аж.



  Барилгын гүйцэтгэлийг хийсэн “PortLiving” компанийн гүйцэтгэх захирал Макарио Райс (Тоби) энэ талаар өгүүлэхдээ “20 сууц тус бүрийг нь урлагийн бүтээл мэт өөр өөр өнгө аястайгаар төлөвлөн, өвөрмөц зохион байгуулалттайгаар гүйцэтгэсэн энэхүү барилга Шигэрү Баны түүхэн загварын нэг болсон. Сууц болгонд гэрийн ухаалаг технологийн систем, музейд өргөн хэрэглэгддэг тасалгааны температур мэдрэгч, хэт ягаан туяанаас хамгаалагч, халаалт ба агаар сэлгэлт, хөргөлтийн төхөөрөмж зэргийг иж бүрнээр нь суурилуулж өгсөн нь жилийн дөрвөн улиралд тохь тухтай, амар тайван амьдрах боломжийг бүрдүүлсэн” гэсэн юм.



  Террас хаус барилга дахь сууц болгоноос хотын ерөнхий төрх, уулс, орчин тойрныг харах боломжтой ажээ.