Баянзүрх дүүрэг дэх Мэргэжлийн хяналтын хэлтэс, Газрын алба, Цагдаагийн хэлтсүүд хамтран Баянзүрх дүүргийн Энх тайвны өргөн чөлөө, Их тойруу гудамж 1,3,4,7 дугаар хороо авто зам дагуу, зохих зөвшөөрөлгүй, нийтийн эзэмшлийн зам талбай хааж байрласан 27 түргэн үйлчилгээний цэгүүдийг нүүлгэн шилжүүлж, замыг чөлөөлж нийтийн эзэмшлийн зам талбай, ногоон байгууламжийг засварлан, тохижуулах ажлыг хийж эхэллээ. 

Түүнчлэн Нийслэлийн мэргэжлийн хяналтын газрын Хүнсний аюулгүй байдал, хөдөө аж ахуйн хяналтын хэлтсээс ТҮЦ байрлуулахыг хориглосон цэгүүдийн зураглалыг гаргажээ.