ОХУ-ын хамгийн том боомттой залгаа орших Хар тэнгис дэх Новороссиеск хотын мастер төлөвлөгөөг гаргах Admiral Serebryakov Embankment олон улсын уралдаанд “Zaha Hadid Atchitects”-ийнхан ялалт байгуулжээ.

   Орон нутгийн “Pride TPO” архитектурын компанитай хамтран ажиллаж буй уг мастер төлөвлөгөө нь тус хотыг эрэгтэй холбож, бүс нутгийн аж үйлдвэрийн баялаг түүхийг илэрхийлэхүйц, далайн үзэсгэлэнт дүр төрхтэй уялдуулахыг зорьсон аж. Түүнчлэн уг мастер төлөвлөгөөгөөр төрөл бүрийн программчлалуудыг нэвтрүүлж, тээврийн бус эргэлтийг эрэмбэлсэн байгууламжуудыг байгуулах юм байна.



   Хар тэнгис дэх гол боомтын хувьд Орос улсыг Газар дундын тэнгис, Атлантын далай, Суэцийн сувагтай холбох юм. Энэ нь Европтоо гуравдугаарт тооцогдох хамгийн их ачаалалтай боомт бөгөөд үр тарианы экспортоороо тэргүүлэх бүс нутаг аж. Тиймээс төсөл зохиогчид Новороссиеск хотын баялаг түүх, уламжлалыг мастер төлөвлөгөөнийхөө гол цөм нь байхаар тооцжээ.

   Мастер төлөвлөгөө нь “instancing” буюу загварчлал байдлаар зохион байгуулагдах бөгөөд явцын дунд бага зэрэг зохицуулалт хийх боломжтой гэнэ. Төлөвлөлтөнд багтсан 13.9 га газарт 9 барилга, тэдгээрийн хүрээлэн буй орон зайн шийдэл зэргийг тусгажээ. Энэхүү загварыг тоон тооцооллын аргаар дамжуулан гаргасан байна.

Mongoliin Barilgachdiin GROUP Facebook Group · 133,788 гишүүн Бүлгэмд нэгдэх Барилгын салбарт ажилладаг эсвэл сонирхогч найз нараа энэ бүлэгт уриарай. Бүгдээрээ санал бодлоо солилцьё. Шинэ найзууд урихын тулд доод талын +Add ...