Контейнерийг /чингэлэг/ ердийн нэг ачаа барааны агуулах төдийгөөр хэрэглэдэг хязгаараас хальж, олон төрөл зориулалтаар ашиглах болжээ. Ялангуяа өөрчлөн засч, дулаалж амины орон сууц болон бусад зориулалтаар ашиглах нь элбэг болсон. Дэлхийн бусад улс орнуудад контейнерийг хэдийнэ олон зориулалтаар өргөнөөр ашиглаж, загвар дизайны өвөрмөц шийдэлтэй болгон сайжруулж, хөгжүүлж байгаа бол манай улсад энэ хандлага арай хожуу гарч байна гэж хэлж болно.

   Контейнерийг байшин болгох нь зардал багатай хямд төсөр, засаж янзлахад хялбар, авсаархан гээд олон талын ашигтай. Харин харьцангуй хожуу нэвтрүүлж байгаа гэдгээрээ манайд одоохондоо энэ чиглэлээр үйлчилгээ үзүүлж буй компаниуд цөөн, ажлын хөлс болон өртөг нь арай өндөр хийгддэг тал бий.



   Одоо цагт контейнерээр хүний таатай ажиллаж амьдрах нөхцөлийг бүрэн хангасан иж бүрэн тохижилттой, орчин үеийн стандартын шаардлагад бүрэн нийцсэн, экологийн хувьд байгаль орчинд хор нөлөөгүй, эдийн засгийн хувьд хэмнэлттэй зөөврийн сууцыг чанарын өндөр түвшинд өнгө дизайны өргөн сонголттойгоор хийх бүрэн боломжтой болжээ.

   Контейнерийг хүссэн загвар, хэмжээгээрээ засч, зөөвөрлөж тээвэрлэх боломжтойгоос гадна дулаан болон дуу чимээ тусагаарлалт сайтай, урт хугацааны эдэлгээ даах давуу талтай. Зөөврийн сууцыг ажлын байр, амины орон сууц, зуслангийн байр, оффис, дэлгүүр, мини маркет, павильон, интернэт кафе, түргэн хоолны газар, харуул хамгаалалтын байр, ажилчдын байр, ариун цэврийн өрөө болон саун душ, нийтийн байр, засварын газар болон агуулах, авто угаалга гэх мэт олон төрөл зориулалтаар ашиглах боломжтой.



   Үүн дээр суултуур, бочки, угаалтуур, душ, халаалтын систем, халуун хүйтэн ус болон нөөцийн сав, интернэт, ТВ кабел, тасалгаа болон дотор тохижилт зэрэг нэмэлт тоноглолуудыг хийж, ашиглаж, тав тухтай тохилог орчныг бий болгож болно.



  Иргэдийн дунд нэлээд сонирхол татаж, эрэлттэй байгаа энэхүү контейнерээр байшин барих, засвар үйлчилгээ хийдэг “Тансаг өндөр” констракшны инженер мэргэжилтнүүдийн гаргасан 30 ам метр талбайтай зуслангийн байшингийн төсөвт өртгийг уншигчиддаа хүргэж байна. Магадгүй контейнер сууцтай болох гэж байгаа бол танд бидний зөвлөмж цаг үеэ олсон ажил хэрэг болно гэдэгт найдаж байна.

40 тоннын контейнерээр 30 ам метр талбайтай зуслангийн сууц барихад:

   Дээр дурдсан бүх үйлчилгээг багтаасан хөлс ам метр талбай тутам нь 250,000-750,000 төгрөгийн хооронд багтах болно. Энэ нь хамгийн хямд өртгөөр барих төсөвт өртөг бөгөөд захиалагчийн хүсэлтээс хамаарч үнэ хэлбэлзэх юм.


Зөвлөгөөг бэлтгэсэн: “Тансаг өндөр” констракшн
Холбоо барих: 8000-9898, 9811-1812