ШУТИС-ийн Барилга, архитектурын сургуулийн профессор, доктор Б.Нямаагийн нэрэмжит Барилгын менежментийн мэргэжилтэн бэлтгэж эхэлсний 20 жилийн ойд зориулсан “Монгол улсын барилгын салбарын  менежментийн тулгамдсан асуудлууд ба шийдвэрлэх арга зам” сэдэвт онол практикийн бага хурал зохион байгуулагдлаа. Барилга, архитектурын сургуулийн профессор, доктор Б.Нямаа нь анх 1963 онд тус сургуульд багшаар орж байсан бөгөөд ШУТИС-ийн анхны эмэгтэй эрдэмтэн багш нарын нэг юм. Тэрээр барилгын салбарын мэргэжилтэн бэлтгэх их үйлсэд олон жил тасралтгүй ажиллаж салбарын удирдлага, зохион байгуулалтын үндсэн суурийг тавихад үнэтэй хувь нэмэр оруулсан эрдэмтэн билээ.

   Энэхүү хурал нь барилгын менежмент мэргэжилтэн бэлтгэж эхэлсний 20 жилийн ойд зориулан зохион байгуулагдсан нь онцлогтой байлаа. Ойн хүрээнд барилгын салбарын менежментийн тулгамдаж буй асуудал, шийдвэрлэх арга замуудын талаар БАС-ийн зөвлөх профессор, академич, доктор (ScD) Д. Дашжамц, Барилга Корпорацийн ерөнхийлөгч доктор (PhD) Л.Шагдаррагчаа тэргүүтэй барилгын салбарын томоохон компанийн төлөөлөгчид нийлсэн зургаан үндсэн илтгэл тавигдав. Онол-практикийн бага хуралд ШУТИС-ийн захирал Б.Очирбат, ЗХНА-ны дарга Н.Ганзориг нар болон БХБЯ-ны төлөөлөгчид, салбарын нэр бүхий компанийн удирдлагууд болон үе үеийн төгсөгчид оролцлоо.

   Мөн МБҮА-ийн дэд ерөнхийлөгч, “Заг групп”ХХК-ийн ерөнхий захирал Б.Нэмэхбаатар, МБҮА-ийн салбарын бодлого, хамтын ажиллагааны асуудал хариуцсан зөвлөх Г.Лосол, МБҮА-ийн гишүүн байгууллага “М-Си-Эс Проперти” ХХК-ийн Төслийн удирдлагын албаны дарга Г.Ган-өлзий нар оролцсон юм.

   Хурлыг нээж, ШУТИС.БАС-ийн захирал, дэд профессор, доктор (PhD) Э.Нинжгарав үг хэлсэн бол үдээс өмнөх хуралд ШУТИС-ийн Барилга, Архитектурын Сургуулийн профессор, доктор Б.Нямаагийн 80 насны ойд зориулж хүндэтгэл үзүүлэх үйл ажиллагаа болсон юм.

    Хурлын эхэнд ШУТИС-ийн захирал Б.Очирбат БАС-ийн профессор, доктор Б.Нямаад “ШУТИС-ийн Эрдмийн зөвлөл”-ийн шагналаар, БАС-ийн доктор, дэд дрофессор Д.Очирбатыг “ШУТИС-ийн Ректорын нэрэмжит” шагналаар тус тус шагнасан юм.

     Хуралд хүрэлцэн ирсэн ШУТИС-ийн захирал, доктор (ScD), профессор Б.Очирбат, МУ-ын Ардын багш, академич, доктор (ScD) , профессор Ч.Авдай,
МУ-ын Ардын багш, доктор (ShD), профессор Г.Базар, МУ-ын гавъяат барилгачин, ШУТИС-ийн хүндэт профессор, доктор (ShD) Л.Шагдаррагчаа, тэргүүлэх профессор, доктор (PhD) Д.Очирбат нар баяр хүргэж үг хэлээд бэлэг дурсгалын зүйлс гардууллаа. Мөн онол-практикийн хурлын бүх оролцогчид Б.Нямаа багштай хамт дурсгалын зураг авахуулсан юм.
 
   Тус онол-практикийн бага хурлаар дараах илтгэлүүдийн тавьж хэлэлцүүлсэн. Үүнд:

   Онол-практикийн хуралд тавьсан дээрх илтгэлүүдтэй холбогдуулан асуулт хариулт явагдаж,  оролцогчид санал бодлоо илэрхийллээ.
 
  Онол-практикийн бага хурлыг Ивээн тэтгэгч байгууллагаар “Барилга корпораци” ХХК, “Улаанбаатар барилга”ХК, “Заг” групп, “И Си Си” ХХК,  “Бутангууд констракшн” ХХК, хамтрагч байгууллагаар “М-Си-Эс Проперти” ХХК, “Пи Си Ди Пи“ ХХК,  Үндэсний бүтээн байгуулалтын корпораци зэрэг байгууллагууд ажилласан байна.