Том, дугуй цонх аливаа барилгын дотор талд байгалийн гэрэлтүүлгийг эрс нэмэгдүүлдэг сайн талтай аж. Тэгвэл дугуй цонх бүхий өвөрмөц барилгын төслийг “BKK Architects” компанийнхан хэрэгжүүлж, Cirqua Apartments барилгыг энэхүү загвараар барихаар болжээ.

  Хуучны барилгуудаар дүүрэн байдаг энэ хэсэгт дугуй цонхтой уг байшин орчин үеийн өвөрмөц хэв маягийг бий болгож байгаа юм. Том хэмжээтэй зургаан ширхэг дугуй цонх нь тус барилгыг бүхэлд нь байгалийн агааржуулалтаар сэлбэж, нарны тусгалыг үлэмж хэмжээгээр нэмэгдүүлэх боломжтой.

  Түүнчлэн том цонхтой нь уялдуулаад барилгын дотор засал, интерьер шийдэлд байгалийн үндсэн өнгийг түлхүү тусгажээ. Цагаан өнгийн хана, гантиг, мод зэрэг нь тансаг хэв маягийг тусган, интерьерийн шийдлийг нь тэнцвэртэй харагдуулах үүргийг гүйцэтгэсэн байна.