Төслийн харилцааны менежментийг ойлголтыг ярихаас өмнө харилцаа гэж юу болохыг товчоор тайлбарлая.
 
Харилцааг дотоод болон гадаад оролцогч талуудаар мөн төсөл хоорондын мэдээлэл солилцох процесс арга замаар тодорхойлох боломжтой. Төслийн үйл явц, асуудал, эрсдэл, өөрчлөлтүүд зэрэгт шинэчлэл, сайжруулалт хийж бүхий л оролцогч талуудыг хадгалж авч үлдэхэд төслийн менежерийн хамгийн гол ажлуудын нэг нь “харилцаа” байдаг.
 
Төслийн менежер гэдэг харилцагчийг хэлэх бөгөөд энэ төрлийн ажлын 90 хувь нь уулзалт хийх, тайлагнах, дүгнэх, асуудлыг шийдвэрлэх, хэлэлцээр хийх зэрэг багтана. Энэ явцад үр нөлөөтэй ярих, бичих, сонсох чадваруудыг шаарддаг ба төслийн менежерийн амжилт нь харилцааны ур чадвараас ихээр хамаарна.
Төслийн менежер дараах ур чадваруудыг заавал эзэмшсэн байх ёстой.

Харилцааг бичгийн болон ярианы хэмээн хоёр ангилах ба дотор нь албан, албан бус гэж авч үзнэ. 
 
Албан бичгийн хэлбэр нь төслийн менежментийн төлөвлөгөө, төслийн баримт, холын зайн харилцаа болон ажил хэргийн танилцуулга зэрэгт ашиглагддаг. Харин албан бус бичгийн хэлбэрт тэмдэглэгээ эсвэл и-мэйл зэрэг нь тохиромжтой. Харин албан бус ярианы хэлбэрт харилцан яриа тохиромжтой.
 

 

Төсөлд хамрагдаж буй субъект бүрийн хооронд харилцаа ямар хэлбэрээр явагдаж байгааг харилцааны суваг гэж үздэг бөгөөд төсөлд нэмэгдэж буй хувь хүн бүр харилцааны сувгийг нэмэгдүүлж байдаг. Төслийн менежерүүд энэ хүрээн дэх албан болон албан бус сувгийг хянаж байх хэрэгтэй.

ХАРИЛЦААНЫ МЕНЕЖМЕНТИЙН ПРОЦЕСС

 

         Харилцааны менежмент гэдэг нь төслөөс гарах үр дүнг амжилттай байлгахын тулд төсөлд оролцогч талуудыг холбох зорилготой төслийн мэдээллийг нэгтгэх, цуглуулах, түгээх, хадгалах, хайх зэрэг үйл ажиллагаануудыг тохиромжтой хугацаанд нь баталгаажуулах процесс юм. Оролцогч талуудын шаардаж буй мэдээллийг баталгаажуулан тэдэнтэй харилцах нь төслийн менежерийн үүрэг. Иймд бүтэцлэгдсэн харилцааны менежментийн төлөвлөгөөний хэрэгцээг ухамсарлаж төслийн талаарх албан ёсны харилцаанууд нь энгийн тайлангийн статусаас илүү чухал. Маш сайн туршлагатай, нөлөө бүхий төслийн менежерүүд харилцааны менежментийн төлөвлөгөөг боловсруулж, түүнийгээ дагаж мөрддөг байна.
 

 
Харилцааны менежментийг төлөвлөх процесс нь мэдээллийг хэрхэн хадгалж, түгээж, засварлах, асуудлыг төсөл дуусах хүртэл авч үзнэ. Энэ нь төслийн харилцааны хэрэгцээг дэмжих ямар систем процессууд оршин байгаа тодорхойлоход ач холбогдолтой. Энэхүү процесс нь юуг, хэнтэй, хэзээ, ямар замаар, ямар давтамжтай ярилцахыг агуулсан төсөл дэх харилцааны үр ашиг, үр нөлөөг хамгийн дээд түвшинд байлгахыг зорьдог. Чухам энэ л үйл явцын үр дүнд харилцааны менежментийн төлөвлөгөө бий болдог. 
 
Үр нөлөө бүхий харилцааны менежментийг бий болгохын тулд байгууллагын бүтэц зохион байгуулалт, соёл, хүлээлт зэрэг орчны хүчин зүйлийг авч үзэх шаардлагатай төдийгүй байгууллагад аль хэдий нь бий болсон процесс, төслийн талаар харилцах дүрэм журам, түүхэн тайлангууд, өмнөх төслөөс суралцсан зүйлс, бусад хадгалагдаж буй мэдээлэл зэргийг харгалзан үзэх ёстой.
 
Төслийн харилцааг төлөвлөхдөө оролцогч талуудын харилцааны шаардлагыг тодорхойлж шинжлэх нь зайлшгүй шаардлагатай. Оролцогч талууд бүр ялгаатай пормат бүхий ялгаатай мэдээллийг хүлээн авах хэрэгтэй байдаг учир харилцах бүрдээ оролцогч талууд бүрт юу хэрэгтэйг гүнзгий түвшинд тодорхойлно. 
 

 
Төслийг хэрэгжүүлэх явцад хэрэгжүүлэх явцад төсөлд оролцогчид төслийн талаарх мэдээллийг хүлээн авах шаардлагатай. Тиймээс харилцааны менежментийг удирдах процесс нь мэдээллээр хангах, мэдээлэл цуглуулах үйл ажиллагааг багтаадаг. Энэ процесс нь төслийн үе шат бүр дэх харилцааны шаардлагад нийцэх төлөвлөөг бий болгон арга аргачлал, загвар техникийг ашиглан харилцааны менежментийн төлөвлөгөөг хэрэгжүүлэх үйл явц төдийгүй харилцааг удирдах үйл явц нь төслийн бүх цаг үед байна. Гэхдээ төлөвлөгөөнд бүхий л зүйлсийг төлөвлөх боломжгүй учир харилцааг удирдах процесс нь тооцоолоогүй мэдээллийн шаардлагад хариу үйлдэл үзүүлэх шийдлийг бий болгоно. Үүний дүнд төслийн баримт бичиг, төслийн менежментийн төлөвлөгөө зэрэг компанид хамаарах олон баримт бичгүүдэд шинэчлэл хийнэ.
 

 
Харилцааг хянах үйл явцад зөв цагт нь, зөв хүнд нь, зөв арга замаар төлөвлөсний дагуу хэрэгцээтэй мэдээллээр хангаж байсан эсэх, төслийн үед харилцаа ямар байсныг үнэлдэг. Харилцааны менежментийн төлөвлөгөөнд харилцааны үр дүн, үр ашгийг хэрхэн хэмжих талаар нарийн тусгасан байдаг. Тиймээс энэ процесст харилцааны менежментийн төлөвлөгөөг дагаж мөрдсөн эсэхийг тодорхойлох ба харилцаа нь оролцогч талуудын шаардлагад нийцсэн эсэхийг тодорхойлж үнэлнэ. Энэхүү харилцааг хянах процессын үр дүнд ажил гүйцэтгэлийн мэдээ бий болдог, Төслийн менежментийн төлөвлөгөөн дэх харилцааны менежментийн төлөвлөгөө, оролцогч талууд болон хүний нөөцийн менежментийн төлөвлөгөө гэх мэт төлөвлөлтөд шаардлагатай бол өөрчлөлт оруулж шинэчлэн сайжруулж явна.