Олон төрлийн зориулалтаар ашиглах болсон зөөврийн контейнероор зочид буудал барьж, ашиглалтад оруулахаар болжээ. Английн Манчестерт энэхүү байгууламжийг “Chapman Taylor” хэмээх архитектурын компани гүйцэтгэсэн байна.

  Хэсэгчлэн угсарсан контейнеруудыг барилгын талбай дээр нэгтгэн, угсралтын ажлыг нэг сарын дотор дуусгасан аж. Төслийн захиалагч болох “Bowmer & Kirkland” компанийн зүгээс барилгыг хэсэгчлэн угсарч, өрөө бүрийг тусгаарласан байдлаар байгуулахыг хүсчээ.

  Нийт 220 зочин хүлээн авах өрөө бүхий уг зочид буудлын угсралт, интерьер засал, тавилга болон хивс, хөшиг, цонхыг суурилуулах зэрэг тохижилтын бүх ажил хугацаанаасаа өмнө дууссан байна. Байгууламжид BIM технологийг ашигласнаар контейнер тус бүрт уурын хяналтын давхарга, ус нэвтрүүлэхгүй байх зориулалттай борооны ус тосох дэлгэц зэргийг суурилуулжээ.