“Хүний нөөцийн хөгжил-сургалт” уулзалт зөвлөгөөн боллоо
Эрчим хүчний салбар үүсч хөгжсний 95 жилийн ойг угтсан эрчим хүчний салбарын “Хүний нөөцийн хөгжил-сургалт” уулзалт зөвлөгөөн 2017 оны 09 дүгээр сарын 08-ны өдөр Улаанбаатар хотноо боллоо.
Эрчим хүчний салбарын мэргэжил сургалтын асуудлыг хариуцаж, мэргэжилтэй ажилтан бэлтгэх, мэргэшүүлэх чиглэлээр салбарын хэмжээнд үйл ажиллагаа явуулж байгаа байгууллагын хувьд Эрчим хүчний хөгжлийн төв нь хүний нөөцийн хөгжлийн салшгүй хэсэг сургалтын асуудал хариуцсан удирдлага, менежерүүдийн хэмжээнд нэгдсэн уулзалт зөвлөгөөнийг зохион байгуулсан юм.
Уулзалт зөвлөгөөнд Эрчим хүчний яам, Эрчим хүчний зохицуулах хороо болон эрчим хүчний болон төр хувийн хэвшлийн 39 байгууллагын 110 төлөөлөгч оролцлоо.
Уулзалт зөвлөгөөнийг нээж Эрчим хүчний хөгжлийн төвийн захирал Ч.Саранжав "Төрөөс эрчим хүчний талаар баримтлах бодлогод заасан ёсоор эрчим хүчний салбар байгаль орчинд ээлтэй, дэвшилтэт техник технологитой, хөрөнгө оруулалтын таатай орчинтой, санхүү эдийн засгийн өндөр чадавхитай, хэрэглэгчийн хэрэгцээ шаардлагад нийцсэн үйлчилгээний өндөр стандарттай салбар болон хөгжихөд энэ салбарт ажиллаж буй ажилтнуудын мэдлэг, чадавх, туршлага хамгийн чухал хөдөлгөгч хүч болох юм. Иймд эрчим хүчний салбарын инженер, техникийн ажилтнуудын хэрэгцээ шаардлагад нийцсэн сургалтын хөтөлбөр, агуулгыг оновчтой тогтоох, үр дүнтэй сургалтын нэгдсэн тогтолцоог бий болгох, сургалтын шинэ дэвшилтэт хэлбэрүүдийг нэвтрүүлэх чиглэлд зөвлөгөөнд оролцож буй инженер техникийн ажилтнууд, менежерүүдээс олон оновчтой санал санаачлага, зөвлөмжүүд гарна гэдэгт найдаж байна.
Эрчим хүчний хөгжлийн төвийн зүгээс Эрчим хүчний сургалт үйлдвэрлэлийн төвийн сургалтын материаллаг бааз суурийг бэхжүүлэх, дэвшилтэт техник технологийг нэвтрүүлэх, сургалтын орчин нөхцөлийг сайжруулах, сургалтын агуулгыг оновчтой тогтоох, сургалтын чанар, зохион байгуулалтыг боловсронгуй болгох чиглэлд олон шинэчлэлтийг үе шаттайгаар хэрэгжүүлнэ. Бидний хийхээр төлөвлөж буй шинэчлэлт өөрчлөлтүүдийн үр дүнд манай сургалт үйлдвэрлэлийн төвтэй хамтран ажиллагч үйлдвэр компани, байгууллагууд, хувь хүмүүсийн сурах, боловсрох эрэлт хэрэгцээ хангагдсан, сэтгэл ханамж бий болсон байх нь хамгийн чухал юм.
Мөн ажлыг амжилттай, үр дүнтэй явуулахад хамгийн чухал зүйл нь сайн харилцаа, хамтын ажиллагаа байдаг тул салбарын хүний нөөц, сургалт хариуцсан инженер менежерүүдэд ойр дотно танилцаж, харилцан мэдээллээ солилцож, хамтын ажиллагаагаа цаашид өргөжүүлэх өргөн боломжийг бүрдүүлэхэд өнөөдрийн уулзалт зөвлөгөөний бас нэгэн зорилго оршиж байгаа" гэдгийг онцлон тэмдэглэсэн юм.
Эрчим хүчний салбарын мэргэжил сургалтын асуудлыг хариуцаж, мэргэжилтэй ажилтан бэлтгэх, мэргэшүүлэх чиглэлээр салбарын хэмжээнд үйл ажиллагаа явуулж байгаа байгууллагын хувьд Эрчим хүчний хөгжлийн төв нь хүний нөөцийн хөгжлийн салшгүй хэсэг сургалтын асуудал хариуцсан удирдлага, менежерүүдийн хэмжээнд нэгдсэн уулзалт зөвлөгөөнийг зохион байгуулсан юм.
Уулзалт зөвлөгөөнд Эрчим хүчний яам, Эрчим хүчний зохицуулах хороо болон эрчим хүчний болон төр хувийн хэвшлийн 39 байгууллагын 110 төлөөлөгч оролцлоо.
Уулзалт зөвлөгөөнийг нээж Эрчим хүчний хөгжлийн төвийн захирал Ч.Саранжав "Төрөөс эрчим хүчний талаар баримтлах бодлогод заасан ёсоор эрчим хүчний салбар байгаль орчинд ээлтэй, дэвшилтэт техник технологитой, хөрөнгө оруулалтын таатай орчинтой, санхүү эдийн засгийн өндөр чадавхитай, хэрэглэгчийн хэрэгцээ шаардлагад нийцсэн үйлчилгээний өндөр стандарттай салбар болон хөгжихөд энэ салбарт ажиллаж буй ажилтнуудын мэдлэг, чадавх, туршлага хамгийн чухал хөдөлгөгч хүч болох юм. Иймд эрчим хүчний салбарын инженер, техникийн ажилтнуудын хэрэгцээ шаардлагад нийцсэн сургалтын хөтөлбөр, агуулгыг оновчтой тогтоох, үр дүнтэй сургалтын нэгдсэн тогтолцоог бий болгох, сургалтын шинэ дэвшилтэт хэлбэрүүдийг нэвтрүүлэх чиглэлд зөвлөгөөнд оролцож буй инженер техникийн ажилтнууд, менежерүүдээс олон оновчтой санал санаачлага, зөвлөмжүүд гарна гэдэгт найдаж байна.
Эрчим хүчний хөгжлийн төвийн зүгээс Эрчим хүчний сургалт үйлдвэрлэлийн төвийн сургалтын материаллаг бааз суурийг бэхжүүлэх, дэвшилтэт техник технологийг нэвтрүүлэх, сургалтын орчин нөхцөлийг сайжруулах, сургалтын агуулгыг оновчтой тогтоох, сургалтын чанар, зохион байгуулалтыг боловсронгуй болгох чиглэлд олон шинэчлэлтийг үе шаттайгаар хэрэгжүүлнэ. Бидний хийхээр төлөвлөж буй шинэчлэлт өөрчлөлтүүдийн үр дүнд манай сургалт үйлдвэрлэлийн төвтэй хамтран ажиллагч үйлдвэр компани, байгууллагууд, хувь хүмүүсийн сурах, боловсрох эрэлт хэрэгцээ хангагдсан, сэтгэл ханамж бий болсон байх нь хамгийн чухал юм.
Мөн ажлыг амжилттай, үр дүнтэй явуулахад хамгийн чухал зүйл нь сайн харилцаа, хамтын ажиллагаа байдаг тул салбарын хүний нөөц, сургалт хариуцсан инженер менежерүүдэд ойр дотно танилцаж, харилцан мэдээллээ солилцож, хамтын ажиллагаагаа цаашид өргөжүүлэх өргөн боломжийг бүрдүүлэхэд өнөөдрийн уулзалт зөвлөгөөний бас нэгэн зорилго оршиж байгаа" гэдгийг онцлон тэмдэглэсэн юм.