“Asia Steel Bridge Competition”-д Монголын оюутнууд анх удаа оролцож чамгүй амжилт үзүүллээ
10 дахь удаагийн Азийн Ган Гүүрийн “ ASIA BRICOM 2017” тэмцээн Тайваний National Central University-д 8-р сарын 14-18-ны өдрүүдэд болж, Монгол оюутнууд анх удаа оролцоод ирлээ. Энэхүү тэмцээн Ази тивийн их сургуулиудын барилгын инженерийн оюутнуудын дунд 2006 оноос хойш зохион байгуулагдаж байгаа бөгөөд энэ удаа нийт 7 улсаас 17 баг (Монголын 2, Тайваний 2, Японы 4, Хятадын 1, Индонезийн 2, Вьетнамын 1, Тайландын 5 баг) оролцсон юм.
Суралцаж буй оюутнуудын онолын мэдлэгийг практикт хэрэгжүүлэх чадварыг хөгжүүлэх, мэргэжлийн өндөр ур чадвар, ёс зүйд тэмүүлэх ирээдүйн инженерүүдийг бэлтгэх, Азийн ган гүүрийн тэмцээнд Монгол улсаас оролцох багийг шалгаруулах зорилгоор 2017 оны 2-р сард Монгол улсын Шинжлэх Ухаан, Технологийн Их Сургууль (ШУТИС)-ийн Барилга, Архитектурын Сургууль (БАС)-ийн Барилгын инженерийн салбарын санаачилгаар монгол улсад “ГАН ГҮҮР” тэмцээнийг их, дээд сургуульд барилга, авто зам, гүүрийн инженерийн чиглэлээр суралцаж буй оюутнуудын дунд анх удаа зохион байгуулсан билээ. Анхны тэмцээнд 1-р байр эзэлсэн ШУТИС, БАС-ийн "АРАВТ" баг, мөн 2-р байр эзэлсэн МҮИС-ийн БИС-ийн "Creative guys" багууд Монгол улсаа төлөөлөн Азийн тэмцээнд амжилттай оролцоод ирлээ
Азийн энэхүү тэмцээнд багууд 4м-ийн алслалтай, 60 см өргөнтэй энгийн дамнуруун гүүрийг гангаар хийж уралддаг ба багуудыг Угсралтын өртөг, Бүтээцийн өртөг, Нийт өртөг, Гоозүй, Илтгэл, Хотойлтын урьдчилсан таамаглал гэсэн үндсэн 6 үзүүлэлтээр шалгаруулан дүгнэдэг.
ШУТИС, БАС-ийн Барилгын Инженерийн мэргэжлийн оюутнуудаас бүрдсэн "АРАВТ" баг (Багийн ахлагч Ч.Баярбилэг, гишүүд Д.Ганцагаан, Д.Гантөмөр, Ч.Тэрбиш, Ж.Отгонсаруул, Б.Баярмаа, С.Ичинхорол, Н.Тэлмэн, зөвлөх багш дэд профессор М.Оюунчимэг, профессор П.Отгонбаяр) Asia Bricom 2017 тэмцээнд Хотойлтын урьдчилсан таамаглалаар 1-р байр, Бүтээцийн өртгөөр 3-р байр, нийлбэр дүнгээр 5-р байрт шалгарав.
ASIA BRICOM тэмцээнд Монгол улсаас анх удаа оролцож чамлалтгүй амжилт үзүүлсэн “АРАВТ” багийнхандаа халуун баяр хүргэж, цаашдаа мундаг инженерүүд болохыг хүсэхийн хамт тэмцээнд оролцоход дэмжиж тусалсан ШУТИС-ийн БАС-ийн захиргаа, ШУТИС-ийн “Реконстракшн” төв, “Барилга корпораци” ХК, “Голомт констракшн” ХХК, “Бридж констракшн” ХХК, “MHE” ХХК, багш нар, хувь хүмүүс, гэр бүл, найз нөхөддөө гүн талархал илэрхийлье.
Энэхүү олон улсын тэмцээнд оролцсоноороо Монгол оюутнуудын маань мэргэжлийн ур чадвартаа итгэх итгэл нэмэгдэж, арвин их туршлага хуримтлуулж, цаашид улам ихийг бүтээх урам зоригийг авлаа.
Азийн Тэмцээний FB page: Asia Bricom 2017
Монголын Ган гүүрийн тэмцээнийн FB page: Ган гүүрийн тэмцээн
Суралцаж буй оюутнуудын онолын мэдлэгийг практикт хэрэгжүүлэх чадварыг хөгжүүлэх, мэргэжлийн өндөр ур чадвар, ёс зүйд тэмүүлэх ирээдүйн инженерүүдийг бэлтгэх, Азийн ган гүүрийн тэмцээнд Монгол улсаас оролцох багийг шалгаруулах зорилгоор 2017 оны 2-р сард Монгол улсын Шинжлэх Ухаан, Технологийн Их Сургууль (ШУТИС)-ийн Барилга, Архитектурын Сургууль (БАС)-ийн Барилгын инженерийн салбарын санаачилгаар монгол улсад “ГАН ГҮҮР” тэмцээнийг их, дээд сургуульд барилга, авто зам, гүүрийн инженерийн чиглэлээр суралцаж буй оюутнуудын дунд анх удаа зохион байгуулсан билээ. Анхны тэмцээнд 1-р байр эзэлсэн ШУТИС, БАС-ийн "АРАВТ" баг, мөн 2-р байр эзэлсэн МҮИС-ийн БИС-ийн "Creative guys" багууд Монгол улсаа төлөөлөн Азийн тэмцээнд амжилттай оролцоод ирлээ
Азийн энэхүү тэмцээнд багууд 4м-ийн алслалтай, 60 см өргөнтэй энгийн дамнуруун гүүрийг гангаар хийж уралддаг ба багуудыг Угсралтын өртөг, Бүтээцийн өртөг, Нийт өртөг, Гоозүй, Илтгэл, Хотойлтын урьдчилсан таамаглал гэсэн үндсэн 6 үзүүлэлтээр шалгаруулан дүгнэдэг.
ШУТИС, БАС-ийн Барилгын Инженерийн мэргэжлийн оюутнуудаас бүрдсэн "АРАВТ" баг (Багийн ахлагч Ч.Баярбилэг, гишүүд Д.Ганцагаан, Д.Гантөмөр, Ч.Тэрбиш, Ж.Отгонсаруул, Б.Баярмаа, С.Ичинхорол, Н.Тэлмэн, зөвлөх багш дэд профессор М.Оюунчимэг, профессор П.Отгонбаяр) Asia Bricom 2017 тэмцээнд Хотойлтын урьдчилсан таамаглалаар 1-р байр, Бүтээцийн өртгөөр 3-р байр, нийлбэр дүнгээр 5-р байрт шалгарав.
ASIA BRICOM тэмцээнд Монгол улсаас анх удаа оролцож чамлалтгүй амжилт үзүүлсэн “АРАВТ” багийнхандаа халуун баяр хүргэж, цаашдаа мундаг инженерүүд болохыг хүсэхийн хамт тэмцээнд оролцоход дэмжиж тусалсан ШУТИС-ийн БАС-ийн захиргаа, ШУТИС-ийн “Реконстракшн” төв, “Барилга корпораци” ХК, “Голомт констракшн” ХХК, “Бридж констракшн” ХХК, “MHE” ХХК, багш нар, хувь хүмүүс, гэр бүл, найз нөхөддөө гүн талархал илэрхийлье.
Энэхүү олон улсын тэмцээнд оролцсоноороо Монгол оюутнуудын маань мэргэжлийн ур чадвартаа итгэх итгэл нэмэгдэж, арвин их туршлага хуримтлуулж, цаашид улам ихийг бүтээх урам зоригийг авлаа.
Азийн Тэмцээний FB page: Asia Bricom 2017
Монголын Ган гүүрийн тэмцээнийн FB page: Ган гүүрийн тэмцээн
Мэдээ бэлтгэсэн М.Оюунчимэг /ШУТИС, БАС-ийн Барилгын инженерийн салбар/
