Дорноговь аймгийн Сайншанд хот төвийн хэсгийнхээ 5.6 км газарт нийт 170 ширхэг гэрэлтүүлэг суурилуулах ажлыг гүйцэтгэж байна.

Хамгийн сүүлийн үеийн технологиор бүтээсэн есөн метрийн өндөртэй цахилгаан бага зарцуулдаг лед гэрэлтүүлэг суурилуулж буй бөгөөд шөнийн цагаар гэрэлтүүлгийг бүрэн ажиллуулахаар төлөвлөжээ.

Сүүлийн үеийн дэвшилтэд тоног төхөөрөмж бүхий эрчим хүч бага зарцуулдаг гэрэлтүүлэг суурилуулснаар Сайншанд хотыг гэрэлтүүлэх хугацааг сунгаж шөнийн турш гэрэлтэй байх боломж бүрдэнэ гэж албаныхан тайлбарлав.

Гэрэлтүүлгийг Дорноговь аймаг, БНХАУ-ын Эрээн хотын найрамдалт харилцааны хүрээнд хөрш Эрээн хотын буцалтгүй тусламжаар суурилуулж байна.