Барилга.МН сэтгүүлийн 6-р сарын дугаараас.
 
  Зун болж дулаараад хааяа гадуур дугуй жийж, гадаа ая тухтай, таатай орчинд үеийнхэнтэйгээ тав гурван үг сольж, салхилан суумаар цаг наашилжээ. Энэ сэтгэгдэл, хүсэл маань “Танайд зочилъе” булангаар “Тэсо констракшн”-ын бүтээн байгуулалт “Содон стандарт цогцолбор хороолол”-ыг зориход хүргэсэн юм. Нар жаахан хэлбийсэн хойно очсон нь жаргах нарны гал улаан туяатай хамт Содон хороолол өнгөлөг гэж жигтэйхэн мөчийг харуулах боломжийг надад олгож байлаа.

    Зураглаачидтайгаа гурвуул хормын мөчид ажлаа умартан бувар бувар хийсэн шигээ салхилж суухад ачаалалтай өдрийн дараах түрхэн зуурын амралт нэлээд удаан үргэлжилсэн мэт санагдав. Өнөөгийн доод давхартаа үйлчилгээний талбайтай хоёр, гурван блок орон сууцны барилга бариад “цогцолбор” хэмээн нэрийддэгээс тэс ондоо, таатай сайхан орчин угтах нь тэр. Сургууль, улсын болон хувийн цэцэрлэг, эрүүл мэнд спортын төв, олон төрлийн кафе, ресторан, гоо сайхан, фитнесс, эмийн сан, бүх төрлийн банк гээд иргэдэд хэрэгтэй үйлчилгээг бүгдийг нь багтаасан ёстой л цогцолбор гэмээнэ цогцолборыг шинээр бүтээн байгуулж байна. Гаднах тоглоомын талбай, хөшөө баримал, зам дагуу ургах моднууд, энд тэндгүй байрлуулсан салхивч орчинд тойрноо нүд баясган чимэх ажээ.


Тэрхэн зуур “Энд нүүж ирвэл ямархан сайхан бэ? Төлбөрийн саналууд нь хаа ч байхгүй боломжийн юм байна” гэдэг бодол төрсөн шүү. Миний гэр миний аз жаргал. Яг л “Home... sweet home” гэлтэй.

Ийнхүү Содон стандарт цогцолбор хороололтой танилцсны дараа энэ бүтээн байгуулалтыг амжилттай хэрэгжүүлж яваа “Тэсо констрашн” ХХК-ийн Үйл ажиллагаа хариуцсан захирал Б.Хүдэрбаатартай ярилцсан юм.



“Тэсо констрашн” ХХК-ийн Үйл ажиллагаа хариуцсан захирал Б.Хүдэрбаатар
 

-Сайн байна байна уу. “Тэсо констрашн” ХХК-ийн Содон хорооллоор зочилж байгаадаа баяртай байна. Ялангуяа цогцолборын гадаа салхилж суухад таатай, тайван, сэтгэл амар мэдрэмжийг төрүүлэм нөхцөл боломжоор нь бүрэн хангасан үнэхээр сайхан шийдэлтэй юм. Цогцолборын тухайд товчоор танилцуулаач.
 

Баярлалаа. Манайхаар зочилж ирсэн танай хамт олонд талархал илэрхийлье.
“Тэсо констракшн” ХХК-н Содон стандарт цогцолбор хороолол төсөл нь  нийт 6,7 га газрыг хамарсан зоорьтой, 16 давхар, 15,5 блок, 31 орц бүхий 3520 айлын орон сууц гээд бусад барилга байгууламжуудыг багтаасан иж бүрэн цогцолбор хорооллыг цогцлоон төслөө 4 дэх жилдээ амжилттай үргэлжлүүлэн ажиллаж байна. Одоогийн байдлаар 8 блок байр, үйлчилгээний талбайг ашиглалтад оруулсан. Манай төсөл нь улсын сургууль, цэцэрлэг, спорт цогцолборыг байгуулахаар төсөлдөө төлөвлөсний дагуу 120 хүүхдийн цэцэрлэгийн барилгын ажил дуусгаж ашиглалтад өгсөн. Харин одоо дахин 2 блок орон сууц болон улсад хүлээлгэн өгөх 280 хүүхдийн цэцэрлэгийн барилгын ажил угсралтын үе шатандаа явж байна.
 

-Содон хорооллын төлбөрийн нөхцөл улам боловсронгуй, уян хатан болжээ. Өөр хаана ч танай олгож буй шиг онцгой нөхцөлийг санал болгохгүй байгаа болов уу. Энэ тухайд?
 

Манай хороолол нь өнөөдрийн нийгэм, эдийн засгийн нөхцөл боломжийг харгалзан үзээд төлбөрийн хамгийн таатай нөхцөл боломжийг санал болгоод нэлээд хугацааг ардаа орхиод байна. Энэ нь юу вэ гэвэл ашиглалтад орсон байрны урьдчилгаа 25 хувь хүртэлх урьдчилгаа төлбөртөө үл хөдлөх хөрөнгө үнэ тооцуулан өгч байрандаа орох боломжтой. Ашиглалтад ороогүй байранд байрны нийт үнийн дүнгийн 3 хувийн төлбөр төлж, захиалгын гэрээгээ байгуулан, 7 сарын турш сар бүр 3 хувиа төлөх эсвэл тухайн хүн өөрт тохирсон төлбөрийн графикийг гарган урьдчилгаа төлбөрөө бүрдүүлэх юм. Байрны үлдэгдэл 70 хувийн төлбөр дээр ИПОТЕК-ийн 8 хувийн зээлийг олгох юм.

Залуу гэр бүлүүдийн хувьд байрны урьдчилгаа төлбөрөө шууд бэлнээр төлөөд байранд орох боломж тэр бүр байдаггүй. Энэ шалтгааныг бид бүхэн харгалзаж үзээд байр авахаар төлөвлөж байгаа худалдан авагчдадаа төлбөрийн боломжит нөхцөлийг санал болгож байгаадаа манай хамт олон баяртай байна. Урьдчилгаандаа үл хөдлөх үнэ тооцуулах, захиалгын гэрээ 3 хувь зэрэг нөхцөлүүдийг худалдан авагчид их сайшаалтай хүлээн авч байгаа.
 

-Машин, хашаа байшин оролцуулахад тавигдах шаардлага, үнэлгээг манай уншигчид, худалдан авагчид илүү сонирхож байгаа болов уу. энэ тухайд дэлгэрэнгүй мэдээлэл өгөөч.  
 

Бидний хувьд хашаа, байшин үнэ тохирон авахдаа Улаанбаатар хотод байршилтай, хашаа татсан байшинтай байх гэсэн үндсэн шаардлагыг тавина. Харин автомашины хувьд 2002 оноос хойш үйлдвэрлэгдсэн 2010 оноос хойш орж ирсэн Япон, Солонгос суудлын автомашинд үнэ тохирон 25 хүртэлх хувьд авч байна. Энэхүү үнэ тохирон авах үйл явцын талаар хүмүүс нэлээд асуудаг болохоор бас багахан мэдээлэл өгье. Хашаа байшин, автомашинаа үнэ тохирон өгөхдөө эхлээд Содон хорооллын борлуулалтын албан дээр ирж мэдээлэл аван, өөрт тохирох байрыг сонгож, арилжааны банкнаас 70 хувь дээр зээл гарах боломжтой эсэхээ тодруулна. Байраа сонгож зээл гарах боломжтой гэсэн тохиолдолд Содон хорооллын эдийн засагчид Бараа солилцооны анкет болон гар хүсэлт бичин өгч, хашаа байшин, автомашин худалдан авах боломжтой эсэх талаар судалгааг хийлгэж шийдвэр гаргуулан байрандаа орох боломжтой байдаг.
Мөн бусад нөхцөлөөр байр авах боломжийг ч мөн манай хамт олон олгож байгаа бөгөөд захиалагчийн  хүсэлт, нөхцөлд тохируулж байгаагаараа онцлог юм.
 

-Машины зогсоолын төлбөрийг бас хэсэгчлэн төлөх боломжтой болж байгаа гэсэн.
 

Содон хорооллын байрны В1 давхрыг нийтэд нь граашаар төлөвлөсөн бөгөөд граашийнн хувьд байршлаас хамаараад өөр үнэтэй байгаа. Төлбөрийн нөхцөлийн хувьд байж болох хамгийн уян хатан нөхцөлийг санал болгож байна. Урьдчилгаа төлбөр төлөлгүйгээр 10 хүртэлх жил, жилийн 0-10 хувийн хүүтэй хуваан төлөх, бэлэн 5-100 хувь төлөлтөд 0,75-15 хувь хөнгөлөлтийг олгох зэрэг урамшуулал олгож, оршин суугчдынхаа таатай амьдрах нөхцөлийг бүрдүүлэхийг зорин ажилласаар байна.