Барселоны алдартай архитектор Антони Гаудигийн зохион бүтээсэн анхны барилга байгуулагдсанаасаа хойш 130 гаруй жилийн дараа олон нийтийн хүртээл болжээ.

    Тус “Casa Vicens” хэмээх барилгыг тоосго, хавтан үйлдвэрлэгч Мануел Виссенс Моннанер-ийн зориулж түүний зуны гэр болгон 1883-1858 оны хооронд барьсан аж. Энэ үед Гайди 31 настай байсан бөгөөд уг барилгаар ажлын гараагаа эхэлж байжээ. Тэрээр Барселона мужийн Архитектурын Сургуульд суралцах сүүлийн жилүүдэд өмнөх үеийнхтэй төстэй хэв маягаар бүтээлээ туурвиж байсан бөгөөд ялангуяа Викторийн стилийг дууриаж байсан юм. Гэсэн хэдий ч сургуулиа төгсөөд удалгүй “Neo-Mudйjar”-ийн нөлөөгөөр өөрийн хэв маягийг бүтээж, хөгжүүлж эхлэв. Энэ хэв маягийн зарим шинж чанар нь геометрийн масс, керамик плита, төмөр хийц, хийсвэр тоосгон чимэглэл зэргийг багтаадаг. Casa Vicens нь “Art Nouveau” загварын анхны барилгуудын нэг юм.



     Тус байшин нь 1920-иод оноос хойш өнөөг хүртэл бараг зуун жилийн туршид ганц гэр бүл үе уламжлан амьдарч байв. Сүүлд 2014 онд Андорра хотын алдартай хувийн гэр бүлийн банк болох “MoraBanc” худалдан авсан бөгөөд хоёр жилийн дараа засвар хийн, 19-р зууны барилгын музей болгон нээлтээ хийжээ.

     Төслийн гүйцэтгэх менежерийн хэлснээр, "Casa Vicens байгууллагын музейн гол зорилго нь Гаудигийн анхны байшинг танилцуулах бөгөөд түүнийг өвөрмөц архитектур, Барселон дахь “Art Nouveau”-ийн хөгжлийг судлах чухал ажил юм" хэмээн тайлбарлажээ.