Өрхийн хэрэглээнд сэргээгдэх эрчим хүчийг ашиглах тухай
Ө.Мөнхбаатар
“Грийн Солар Энержи” ХХК-ийн Захирал
Сүүлийн жилүүдэд сэргээгдэх эрчим хүчийг халаалт, халуун ус, цахилгаан, дулааны хангамждаа ашиглаж хэмнэлт хийх сонирхолтой иргэд, байгууллагууд нэмэгдсээр байна. Гэхдээ сэргээгдэх эрчим хүчний системийн анхны хөрөнгө оруулалтын хэмжээ өндөр байдгаас тухайн байршил орчмын сэргээгдэх эрчим хүчний нөөц, хөндлөнгийн механик нөлөөлөл, дулаан цахилгааны ачаалал зэргийг уялдуулан тооцоолж, үндсэн тоног төхөөрөмжийн чадал сонгох, угсралт суурилуулалтыг хийх шаардлагатай байдаг.
Учир нь тооцоо судалгаагүй хандсаны улмаас системийн чадал хүрэхгүй, халаалтын хувьд барилга, байшинг халааж дийлэхгүй, амьдрах орчныг тав тухгүй болгох, цахилгаан эрчим хүчний хувьд ачааллаа даахгүй, тоног төхөөрөмж эвдрэх гэх мэт олон асуудал тулгарч иргэд болон байгууллагууд санхүүгийн хувьд хохирох эрсдэлтэй.
Иймд сэргээгдэх эрчим хүчийг ашиглахаар төлөвлөж байгаа бол тооцоо, судалгаанд үндэслэн тоног төхөөрөмж сонгохоос гадна угсралт суурилуулалтыг чанартай гүйцэтгэдэг, олон жилийн туршлагатай мэргэжлийн байгууллагад хандах нь таныг хөрөнгө санхүүгийн эрсдэлээс хамгаална.
Нарны халаалтын систем нь хүйтний улиралд гарах нийт зардлыг 45% хүртэл хэмнэдэг бол газрын гүний халаалтын систем нь дээрх зардлыг 70-75% бодитоор хэмнэх боломжийг олгодог.
Сэргээгдэх эрчим хүчийг ашиглахад анхаарах ерөнхий шаардлага
Халаалтын хувьд:
“Грийн Солар Энержи” ХХК-ийн Захирал
Сүүлийн жилүүдэд сэргээгдэх эрчим хүчийг халаалт, халуун ус, цахилгаан, дулааны хангамждаа ашиглаж хэмнэлт хийх сонирхолтой иргэд, байгууллагууд нэмэгдсээр байна. Гэхдээ сэргээгдэх эрчим хүчний системийн анхны хөрөнгө оруулалтын хэмжээ өндөр байдгаас тухайн байршил орчмын сэргээгдэх эрчим хүчний нөөц, хөндлөнгийн механик нөлөөлөл, дулаан цахилгааны ачаалал зэргийг уялдуулан тооцоолж, үндсэн тоног төхөөрөмжийн чадал сонгох, угсралт суурилуулалтыг хийх шаардлагатай байдаг.
Учир нь тооцоо судалгаагүй хандсаны улмаас системийн чадал хүрэхгүй, халаалтын хувьд барилга, байшинг халааж дийлэхгүй, амьдрах орчныг тав тухгүй болгох, цахилгаан эрчим хүчний хувьд ачааллаа даахгүй, тоног төхөөрөмж эвдрэх гэх мэт олон асуудал тулгарч иргэд болон байгууллагууд санхүүгийн хувьд хохирох эрсдэлтэй.
Иймд сэргээгдэх эрчим хүчийг ашиглахаар төлөвлөж байгаа бол тооцоо, судалгаанд үндэслэн тоног төхөөрөмж сонгохоос гадна угсралт суурилуулалтыг чанартай гүйцэтгэдэг, олон жилийн туршлагатай мэргэжлийн байгууллагад хандах нь таныг хөрөнгө санхүүгийн эрсдэлээс хамгаална.
Нарны халаалтын систем нь хүйтний улиралд гарах нийт зардлыг 45% хүртэл хэмнэдэг бол газрын гүний халаалтын систем нь дээрх зардлыг 70-75% бодитоор хэмнэх боломжийг олгодог.
Сэргээгдэх эрчим хүчийг ашиглахад анхаарах ерөнхий шаардлага
Халаалтын хувьд:
- Барилгын дулааны алдагдлын хэмжээг норм дүрэмд заасны дагуу бууруулах
- Олон улсын чанарын гэрчилгээ авсан, чанартай тоног төхөөрөмжүүд бүхий систем сонгох
- Нарны халаалтын тоног төхөөрөмж нь ямар нэг байгалийн болон зохиомол сүүдэрлэлтэд өртөхгүй байх
- Тухайн барилгын дээвэр нарны халаалт, халуун усны тоног төхөөрөмжүүдийг дааж чадахуйц чанартай байх
- Газрын гүний дулааны халаалтын систем суурилуулахад тухайн байршлын хөрсний болон гүний усны судалгаанд үндэслэн өрөмдлөгийн гүнийг тодорхойлох
- Тухайн халаалтын системдээ тохирсон сантехникийн болон халаах хэрэгсэл сонгох
- Барилгын дулааны ачаалалд тохируулан нэмэлт халаагуурын чадлыг сонгох
- Байгалийн болзошгүй эрсдэлээс хамгаалж суурь болон бэхэлгээг чанартай хийж гүйцэтгэх
Цахилгааны хувьд:
- Барилгын цахилгааны ачааллыг бууруулах буюу аль болох эрчим хүчний хэмнэлттэй тоног төхөөрөмжүүдийг ашиглах. Энэ нь анхны хөрөнгө оруулалтын хэмжээг бууруулна.
- Нар болон салхины цахилгаан хангамжийн системийн хувьд сүүдэрлэлтэд өртөхөөргүй хамгийн ашигтай байрлал сонгох, нөмөр болон салхины зонхилох чиглэлд байгалийн болон зохиомол саад байхгүй байх
- Үндсэн болон туслах тоног төхөөрөмжүүдийн техникийн үзүүлэлтийн хувьд хоорондоо тохирч байх
- Цаг уурын нөхцөл байдал, сэргээгдэх эрчим хүчний нөөцийн судалгаа, цахилгаан эрчим хүчний хэрэглээ зэргийг уялдуулан тоног төхөөрөмж, системийн төрлийг сонгох
- Хэрэглэгчийн цахилгаан эрчим хүчний чадлыг сайтар судалж, тухайн ачааллыг даахуйц хэмжээний цахилгаан дамжуулах утас сонгох, холболтуудыг чанартай гүйцэтгэх
- Байгалийн болзошгүй эрсдэлээс хамгаалж, суурь болон бэхэлгээг чанартай хийж гүйцэтгэх хэрэгтэй
Дэлгэрэнгүй мэдээллийг "БАРИЛГА.МН" сэтгүүлээс
