Ажлын талбараа урьдчилан тооцож, нарийн төлөвлөгөө гаргаж байдаг архитекторууд болон ландшафтын архитекторуудын ажлыг хөнгөвчилж, цаг завыг нь хэмнэсэн нэгэн гайхалтай технологи гарсан нь ухаалаг хортой график юм.

  “Morpholio” компанийнхны зохион бүтээсэн “Stencil” хортой график нь архитекторуудын ашигладаг бусад хэрэгслүүдээс илүү хурдтай, хэрэглэхэд ч хялбар технологи юм. Архитекторуудаас авахуулаад уран зураачид гээд одоо үед амьдарч буй хэн бүхэн ухаалаг утас, таблетаа шинэ төхөөрөмжөөр солих хэрэгтэй боллоо.



  Энэ нь “Morpholio” компанийн хамгийн сүүлд танилцуулсан, мэргэжлийн онцлогийг тусгаж чадсан ухаалаг гар утасны дэвшилтэт “Trace” аппликейшн юм. Бодит зургийг аппликейшиндээ оруулж, түүн дээр нэмэлт зураг зурах, тайлбар бичих боломжтой ухаалаг программ бөгөөд интернэтэд холбогдон дэлхийн өөр хэсэгт амьдарч буй хамтрагчдаа үзүүлэх, саналыг нь авах гэх зэргээр олон үйлдлийг хөнгөвчилж, цаг хугацааг хэмнэдэг онцгой хэрэгсэл юм.



  Бодит объект, байгууламж, дүрс, хээ зэргийн зургийг ухаалаг утсаар авч, дээр нь өөрийн шинэ санааг тусган, дүрс нэмж, тайлбар бичих, дүгнэлт хийснээр архитекторууд, дизайнерууд, зураачдын ажлын бүтээмж эрс дээшилнэ гэж зохион бүтээгчид нь хэлж байна.



  Зохион бүтээгч Марк Коллинз, “Ухаалаг хорыг бүтээснээр архитекторын ноорог болон зураг хоёрыг хооронд нь холбосон төгс шийдэл болсон. Та ямар нэг дүрс, хээ, объектын  зургийг авч, түүн дээрээ зурах гээд үзээрэй. Жаахан удаан л байх болов уу. Харин энэхүү автомат хортой төхөөрөмжийг маш олон янзаар ашиглах боломжтой. Ухаалаг хор бүхий энэ төхөөрөмж нь бодит зураг дээр дүгнэлт хийж, шинэ бүтээлч санаагаа хэрэгжүүлэх хамгийн гайхалтай арга болж чадсан шүү” хэмээн ярьжээ.



  “Trace” аппликейшн нь бүх өнгөний төгс зохилдолгоотой, олон төрлийн хээтэй бөгөөд харандаа, нүүрс, маркер, бийр гээд олон төрлийн бичгийн хэрэгсэлтэй. Хэрэглэгч нь зассан зургаа сүүлийн хувилбараар нь PDF программ руу хөрвүүлж, клауд болон олон нийтийн сүлжээ, электрон шуудан руугаа оруулж болно. энэхүү программыг одоогоор зөвхөн iOS системээр ашиглах боломжтой бөгөөд удахгүй App Store-д тавигдах юм байна.



Дэлгэрэнгүй мэдээллийг "БАРИЛГА.МН" сэтгүүлээс