Монголын барилгын үндэсний ассоциацийн Ерөнхийлөгч Д.Цэрэнжигмэдийн санаачлагаар Ассоциацийн гишүүн компаниудын захирлууд нэгдэн хувийн зүгээс хандив цуглуулан 8,350,000 төгрөгийн хандив болон 2 тонн цэвэр усыг 2017 оны 07 дугаар сарын 17-ны өдөр МБҮА-ийн Тэргүүн дэд ерөнхийлөгч Н.Баярсайхан, Ажлын албаны Гүйцэтгэх захирал Л.Хулан нар ОБЕГ-ийн Улсын нөөц, хүмүүнлэгийн тусламжийн хэлтсийн дарга С.Лхагвасүрэнд хүлээлгэн өгөв.

Энэ үеэр ОБЕГ-ийн Улсын нөөц, хүмүүнлэгийн тусламжийн хэлтсийн дарга С.Лхагвасүрэн барилгын салбар уналттай байгаа энэ цаг үед эх орныхоо төлөө сэтгэл гаргаж байгаад талархан, мөнгөн хандивийг ОБЕГазарт нэн хэрэгтэй байгаа нисдэг тэргийг худалдан авахад зориулах болохоо хэлж байлаа.

Түүнчлэн Монголын барилгын үндэсний ассоциацийн гишүүн байгууллагууд болох Макс групп ХХК 100 гаруй онцгой байдлын газрын албан хаагч, 100 гаруй сайн дурынханд ЕРМАК брэндийн 24 ширхэг ус шүршигч, 1.5 тоннын усны сав 2 ширхэгийг нийт 10 гаруй сая төгрөгийн техникийн тусламж, Эко констракшн ХХК 25 сая төгрөгийн мөнгөн хандив, Роял нью кэстл ХХК 20 хүний бүрэлдэхүүнтэй 2 бага ажиллах хүчин болон 5 сая төгрөгтэй тэнцэх багаж, хэрэгсэл, хүнсний бүтээгдэхүүн зэргийг өөрсдийн компанийн зүгээс ОБЕГазарт тусламж болгон хүлээлгэн өгсөн юм.