Зам, тээврийн хөгжлийн яамнаас авто тээврийн салбарыг хөгжүүлэх шат дараалсан ажлын хүрээнд өнгөрсөн амралтын өдрүүдэд Булган аймгийн Рашаант сумын нутаг, Элсэн тасархайд авто замын дагуух үйлчилгээний цогцолборын шавыг тавьж, барилгын ажлыг эхлүүлсэн байна. Тус барилгын ажлыг Зам, тээврийн хөгжлийн яам, “Евро Бридж” ХХК хамтран хэрэгжүүлж байгаа юм.

  Үйлчилгээний төвийн барилгыг 2018-2019 онд ашиглалтад оруулж, зорчигч, тээвэрчдийн ая тухтай зорчиж, хэрэгтэй үйлчилгээгээ авах боломж бүрдэнэ. Эхний ээлжинд 13 цогцолбор байгууламж байгуулах шаардлагатай гэнэ.

  Түүнчлэн хөдөлгөөний аюулгүй байдлыг хангах, улс болон хот хоорондын тээвийн автобусуудад хурд хэмжигч байршуулж, хөдөлгөөний хурдыг хянах тогтолцоог бүрдүүлж хэвшүүлэхээс гадна ачаа, тээшийг нэгдсэн зохицуулалтад оруулах зэрэг олон ажлыг хэрэгжүүлжээ. Харин зорчигч, тээвэрчдийн хэрэгцээ шаардлагыг хангах үйлчилгээ буюу зоогийн газар, тээврийн хэрэгслийн зогсоол, дэд бүтэц зэрэг асуудал орхигдоод байсныг бодлогоор зохицуулж, шийдвэрлэж эхэлсэн байна.