Цэвэр эрчим хүчний хувьсал өрнөж, нарны зайн хавтангийн үйлдвэрлэл тэргүүлж эхэлсэн энэ цаг үед АНУ-ын Үндэсний эрчим хүчний газрын Сэргээгдэх эрчим хүчний лаборатори иргэдийн хэрэглэдэг дээврийн нарны зайн үйлдвэрлэлээс харьцангуй том эх үүсвэрийг байгуулж, тус технологийн хэрэглээний зардлыг 30 хувиар бууруулж чадсанаа мэдэгдлээ.
 
  Түүнчлэн “SunShot Initiative” байгууллагаас 2020 он гэхэд нарны эрчим хүчний зардлыг бууруулна гэсэн төлөвлөгөөнийхөө дагуу тодорхой ахиц гаргаж чадсанаа мэдэгдэж, давхар баярт мэдээг дуулгасан юм. Улс төрийн аливаа нөхцөл байдлаас үл хамааран нарны зайн хавтантай явган хүний зам тавих гэх мэтээр цэвэр эрчим хүчний зардал асар хэмнэлттэй, хүртээмжтэй болж байна хэмээн мэргэжилтнүүд үзэж буй аж.

  Энэ төрлийн зах зээлд Хятад улс асар хүчтэй өрсөлдөгч болон хөгжиж буйг АНУ-ын ерөнхийлөгч нэгэнтээ дурджээ. Тус улсад нарны зайн модулийг хэрэгцээнээс давуулан үйлдвэрлэж эхэлсэн нь АНУ-ын импортлогчдод хямд үнээр авах боломжийг олгож байгаа юм. Үүний үр дүнд тогтмол налуу систем дэх нэг ватт тутмын дундаж үнэ 1.03 ам.долларт хүрч, нарны шилжилт хөдөлгөөнийг тэмдэглэх нь 1.11 ам.доллар болжээ.