Канад улсын хамгийн өндөр барилга Торонто хотын төв гудамжнаа баригдаж эхэллээ. “Foster + Partners” болон “CORE Architects” компаниудын хамтран хэрэгжүүлж буй 1,004 метрийн өндөр “The One” цамхаг нь тансаг орон сууц болон өндөр зэрэглэлийн худалдааны танхим бүхий холимог барилга юм. Торонтогийн тэнгэр баганадсан шинэ цамхаг нь Йорквилл болон төв гудамжны гол хэсэг One Bloor West дүүрэгт байрлах аж.

  85 давхар бүхий The One цамхаг баригдаж дууссанаар энэ нь Канадын хамгийн өндөр барилга, Торонтогийн CN цамхгийн дараа тооцогдох өндөр цамхаг болох юм байна. Хүрэл боронзон өнгийг хослуулан диагональ, босоо болон хөндлөн элементүүдийг уусгаж, эргэн тойрны орчноос онцгой ялгагдахуйц болгохыг зорьжээ.

  Барилгын байрлах хэсэг нь хотын хоёр гол гудамжны зангилаа бөгөөд хамгийн том харагддаг хэсэг аж. Харин загвар дизайны хувьд 19 дүгээр зууны түүхэн барилга болох Вилльям Льюкийн барилгын тоосгон бүтцийг хөгжүүлэн сайжруулах байдлаар жишээ авч хэрэгжүүлсэн байна.

  The One цамхагт дэлгүүр, кафе, зоогийн газруудаас гадна газар доорх үйлчилгээний хэсгүүдийг нэмэлтээр байгуулах ажээ. Орон сууцны давхрууд нь 55 м.кв бүхий уян хатан, угсармал модуль бүтэцтэй байх бөгөөд үүний загвар, зохион байгуулалтыг хүссэнээрээ өөрчилж, засах боломжтой юм. Түүнчлэн оршин суугчдад зориулсан спа, фитнесс төв, номын сан, албан ёсны танилцуулах өрөө, тав тухтай тухлан суух тансаг орчныг бүрдүүлсэн террас, амралтын хэсгүүдийг төлөвлөж өгчээ.

Барилга 2020 онд бүрэн дуусч, ашиглалтад орох ажээ.