Өнгөрсөн наймдугаар сард орсон хүчтэй борооны улмаас аймгийн Зуунмод сумын зуравдугаар багийн гүүр нурж үерийн далан эвдэрсэн. Эвдэрсэн гүүр засварлах ажлыг “Төв АЗЗА” ТӨК хийж эхэллээ.

Нурсан гүүрний оронд шинийг барихад нийт 83 сая төгрөг шаардлагатай гэсэн албаны дүгнэлт гарсан. Гэвч санхүүгийн хүндрэлээс болж шинэ гүүр тавихгүйгээр хуучин гүүрийг 30 сая төгрөгөөр засварлахаар болжээ. Тус гүүрийн үерийн далан нарийн байгаагаас борооны усны ачааллыг даалгүй нурсан юм. Засварын ажлыг хийхдээ үерийн даланг бетоноор цутгаж, хуучин хоолойг сайжруулах ажлыг хийхээ Төв АЗЗА ТӨК-ны инженер О.Пүрэв хэллээ. 

Засварын ажлыг ТӨВ АЗЗА ТӨК-нийн 10 гаруй албан хаагчид хийж гүйцэтгэх юм. Энэ сарын сүүлээр бүрэн дуусгаж холбогдох хүмүүст хүлээлгэн өгөх төлөвлөж байгаа гэж Төв АЗЗА ТӨК-ны инженер Ц.Түвшинжаргал хэлэв.

Хөрөнгө санхүүгийн улмаас шинэ гүүр барилгүй хуучнаа засч байгаа нь ирэх жилийн бороонд дахин нурах вий гэсэн хэмээн иргэд хэлж байна. Харин засварын ажлыг гүйцэтгэгч компанийн зүгээс “энэ талаар санаа зоволтгүй, 20 жилийн баталгаа амлаж байна” гэсэн юм.