Шинэ жилийн баяр гэхээр бид бүхэнд ид шидийн гэмээр мэдрэмжийг төрүүлдэг. Энэхүү баяр гацуур мод, задгай зуух, урт коридор, хаалганд өлгөөтэй модоор түлхүү төсөөлөгддөг. Тэгвэл эдгээрээс илүү хамгийн чухал элемент нь баярын хоолны ширээ билээ.

Энэ оны баярын ширээний шилдэг гурван засал чимэглэлийг зөвлөгөөний хамт толилуулж байна.
 

Энэхүү интерьерийн гол онцлог нь гэрэл, мод байдаг. Эргэн тойронд аль болох мод, модон эдлэл байх нь баярын уур амьсгалыг төрүүлэх болно. Учир нь мод гэдэг дулаан мэдрэмжийг төрүүлэхийн зэрэгцээ эртний гэмээр сэтгэгдэл үлдээдэг.



Дараагийн чухал зүйл бол лаа юм. Дараах загварт баганан лааг элдэв суурьтай болон суурьгүйгээр байрлууллаа.

Бусад жижиг элементэд нэхмэл эдлэл, хэрэглэл орно. Энгийн цагаан хэрэглэл бүхий ширээний бүтээлэг, сандал дээрх ноосон эдлэл гэх мэт.  
 

Дараах загвар нь одоог болон өнгөрсөн цагийг илтгэх гүүр мэт орон зайг үүсгэнэ. Загварт орчин үеийн дүр зураг түлхүү байх боловч 19-р зууны ширээ, сандлыг ашиглан эртний төрхийг бий болгожээ.



Өнгө
Бараан саарал хана нь энэ загварын хамгийн анхаарал татахуйц хэсэг юм. Эл орчныг цагаан, цайвар өнгийн чимэглэлүүдээр чимэглэнэ.

Салхин сэнс тоглоом

Ширээн дээрх унжуулсан салхин сэнс бүхий тоглоом нь орчин үеийн чимэглэлийн шинэ арга юм. Салхин сэнсийг та хүүхдүүдтэйгээ хамт хийж, өлгөөрэй.

Буйдан сандал

Хоолны ширээний ард буйдан сандлыг тавьсан нь үнэхээр өвөрмөц шийдэл болсон болов уу.
 

Энэхүү ширээний засал чимэглэл танд болон таны гэр бүлд аз жаргалыг мэдрүүлэх болно.

Мөчир

Мөчрийг гэрлэн чимэглэл болон туузаар өлгөн тогтоох нь нэн шинэлэг бөгөөд хийхэд ч энгийн. Ингэхдээ аль болох өргөс ихтэй мөчир сонгон аваарай. Эцэст нь ханын өнгөтэйгөө ижил гацуурын тоглоомоор чимэглэж болох юм.


Тав тухыг үүсгэх

Дээрх байдлаар ширээгээ засах нь харьцангуй хялбар байдаг. Хивс, үргэлжилсэн модон сандал, үслэг эдлэл, суудлын зөөлөн дэр зэрэг байхад үндсэндээ хангалттай.