Улаанбаатар хотод борлуулагдаж буй шинэ орон сууцны төслүүдийг нэг дор төвлөрүүлэн, байр авах гэж буй иргэддээ зориулан мэдээлэл өгч буй “ОРОН СУУЦНЫ ХЯМДРАЛ, УРАМШУУЛАЛТ ӨДӨРЛӨГ” нь Мишээл Барилгын Их дэлгүүрт үргэлжилж байна.

   Орон сууцны биржээс уламжлал болгон зохион байгуулж эхлээд буй уг өдөрлөг нь борлуулалт хийж буй компаниудынхаа үйл ажиллагааг дэмжиж, иргэддээ олон төрлийн мэдээллийн нэг дороос өгч, хооронд нь холбож өгдгөөрөө чухал ач холбогдолтой арга хэмжээ болж байна.

   Түүнчлэн иргэдийн хамгийн их сонирхдог ипотекийн найман хувийн зээлийн талаар мэдээлэл өгөхөөр Хаан, Хас банкны ажилтнууд өдөрлөгт оролож байгаа юм.

Өдөрлөгийн зарим оролцогч компаниудаас авсан тодруулгыг хүргэвэл,



“Тэсо Корспораци”, Содон хорооллын борлуулалтын менежер Э.Мөнх-Эрдэнэ, Манай Содон хороололд 1-3 өрөө байрны сонголтууд бий. 1 өрөө байр нь 27-35 м.кв, 2 өрөө байр нь 43-56 м.кв, 3 өрөө байр нь 64-76 м.кв талбайтай байгаа. Нэг м.кв нь 1,700,000 төгрөгийн үнэтэй. Урьдчилгаа 3 хувийн төлбөр төлөөд, захиалгын гэрээгээ байгуулах боломжтой. Харин урьдчилгаа 30 хувийн төлбөрөө бүрдүүлсэн тохиолдолд нийт үнийн дүнгээс 5.5 хувийн хөнгөлөлтийг үзүүлнэ.

Та уг хөнгөлөлтийг эдэлснээр байрныхаа м.кв-ын үнийг 1,7 сая төгрөгөөр биш, 1,6 сая төгрөгөөр тооцоолж төлбөрөө төлнө гэсэн үг. Мөн урьдчилгаа төлбөрийн 20 хувьд нь та үл хөдлөх эд хөрөнгө, автомашин тооцуулан тохиролцож өгөх боломжтой. Харин үлдэгдэл 70 хувийн төлбөрөө 8 Хаан, Худалдаа хөгжлийн банк, Голомт, Хас банкуудад найман хувийн зээлд хамрагдан төлж болно. Манай хорооллоос ихэвчлэн залуу гэр бүлүүд байр сонирхдог. Тэдгээр иргэд 1 өрөө, 2 өрөө байр, амьдарч буй нөхцөлөө сайжруулахаар 3 өрөө байр ч сонирхож байна.

Өнөөдрийн өдөрлөгт маш сэтгэл хангалуун байна. Мишээл Мега Моллын нээлттэй давхцан зохион байгуулж байгаа нь илүү олон хүнд мэдээлэл өгөх боломжийг олголоо.



“Global Bridge” ХХК-ийн ҮХХ, маркетинг борлуулалтын менежер Д.Энхтүвшин, Компанийнхаа хоёр төслийг танилцуулан энэ өдөрлөгт оролцож байна. “IESOM” буюу 95 айлын “International Education School of Mongolia” гэсэн дээд зэрэглэлийн төслийг танилцуулж байна. Үнийн хувьд 2,0 саяас 2,3 сая орчим төгрөгийн үнэтэй. Цогцолбор хороолол учраас сургууль, цэцэрлэг, эмнэлэг, усан бассейн гээд хүний хэрэгцээг бүрэн хангасан үйлчилгээний байгууллагуудыг нэг дор төвлөрүүлснээрээ ихээхэн давуу талтай.

Нөгөө төсөл маань Алтай хотхоны хойд талд байрлалатай, хоёр блокоос бүрдсэн 132 айлын ердийн стандарт орон сууцны хотхон юм. 1,6-1,7 сая төгрөгийн үнэтэй байгаа. Хоёр төсөл маань найман хувийн зээлд хамрагдах боломжтой. Манайх ХХБ, Хаан банкуудтай хамтран ажиллаж байгаа учраас иргэд эдгээр банкуудад хандаж болно.

Нэмж хэлэхэд, манай “Global Bridge” компани төслүүдээ өөрийн хөрөнгөөр хэрэгжүүлж байгаа нь маш том давуу тал юм. Бид 2017 онд 160 айлын хоёр блоктой гурав дахь төслөө хэрэгжүүлэхээр ажиллаж байна.

Өнөөдрийн өдөрлөгт зориулж, манай компани захиалгын урьдчилгаа төлбөрөө 15 хувь болгон буурууллаа. Харин ашиглалтад хэдийн орсон “GB” орон сууц маань 30 хувийн урьдчилгаатай хэвээр байгаа. Богд-Арын Хаан банкнаас зээл гарч байгаа шүү. “EDU Apart” хотхоны урьдчилгаа төлбөр 15 хувь болж, гражуудаа 3 сая төгрөгөөр бууруулсан.