Амьдралд ойр, хамгийн хэрэгтэй зөвлөмжүүдийг “БАРИЛГА.МН”-ээс
Хийсэн бүтээсэн ажлаа дүгнэн цэгнэж, алдаа оноогоо дэнслэн, ирэх оныхоо төлөвлөгөөг хэлэлцэн гаргадаг хариуцлагатай мөч бид бүхний өмнө иржээ. Шинэ оны босгон дээр уншигчдын гарт хүрч буй энэхүү шинэ дугаартаа та бүхний хүсэлт, хэрэгцээнд нийцүүлэн, амьдралд тустай олон зөвлөмж, мэдээллийг хүргэхийг зорилоо.
Эрхлэгчийн зурвасаар эхлүүлсэн энэ удаагийн дугаарт, Нийслэлийн Хөрөнгө Оруулалтын Газрын дарга Ц.Ариунбаяр, “ABB Group”-ын Монгол дахь төлөөлөгчийн газрын дарга С.Эрдэмбаяр, “Байгууламж-Од” ХХК-ийн Ерөнхий захирал Б.Бурмаа, “Лидер Хит” ХХК-ийн Захирал Д.Сарантуяа нарын зүгээс харилцагч хамтрагчиддаа, нийт уншигчдад зориулан Шинэ оны мэндчилгээ дэвшүүлснийг дамжуулсан билээ.
Түүнчлэн сэтгүүлийн гол булангуудаар,
- Барилгын салбарт шинэ давалгаа болсон залуу үеийн төлөөлөл болгон “Монкон Констракшн”-ны Гүйцэтгэх захирал Г.Батбаяртай хийсэн, түүний үзэл бодлыг хөндсөн сонирхолтой ярилцлага,
- Сэтгүүлчийн асуудал хөндсөн “Бид газар хөдлөлтөд бэлэн үү?” нийтлэл,
- Сая сая санааг уралдуулан архитектур, интерьерийн бүтээлүүдийг төрүүлж байдаг “СаяСанаа” ХХК-ийн үүсгэн байгуулагч, интерьер дизайнер Х.Одбаярын Ажлын нэг өдрийг хамт өнгөрүүлсэн ярилцлага
Мэдээ, мэдээлэл хэсэгт,
- Үйл явдлын товчоон,
- 12-р сард болох үйл явдлын тойм,
- Германы Баваари мужийн Барилга, эрчим хүчний салбартай танилцсан техникийн семинар
Байр, барилгын материал авах гэж буй иргэдэд,
- Ипотекийн найман хувийн зээлийг олгож буй арилжааны банкуудын мэдээлэл,
- Барилгын материал хэрэглэгчдийн судалгаа, барилгын материалын үнэ ханш,
- Шинэ орон сууцны үнийн судалгаа, харьцуулсан мэдээлэл
Амины орон сууц барих, гэртээ засвар хийн тохижуулах гэж буй хэрэглэгчиддээ,
- Германы Хоф хотын архитектор Үвэ Фикеншерийн эрчим хүч, дулаанаа бие даан шийдвэрлэсэн “Нарны байшин”-гаар жишээ авсан зөвлөмж,
- Давтагдашгүй Монгол ур хийц,
- “АСЕМ Виллаж”-ийн тансаг сууцнууд хэрхэн бүтсэн,
- Гэртээ баярын уур амьсгал оруулах хялбар аргууд,
- Зоорины хамгийн хялбар төлөвлөлт,
- Кабелын утсаа ашиглан интерьер засалдаа чимэг нэмэх шинэлэг санаанууд
Энэ мэтчилэн сонирхолтой олон төрлийн мэдээлэл, зөвлөмжүүдийг уншигчиддаа зориулан бэлтгэлээ.
Ялангуяа сэргээгдэх эрчим хүчний технологийн хөгжлөөр дэлхийд тэргүүлэгч Герман улсын Хоф хотод ажиллаж, амьдардаг Архитектор, Хот төлөвлөгч, Эрчим хүчний зөвлөх Үвэ Фикеншерийн санаачлан хэрэгжүүлсэн “Нарны байшин” төслийн санаа, хэрэгжүүлсэн байдал, үлгэр жишээ авах чухал зөвлөмжийг тусгайлан бэлтгэсэн нь та бүхэнд хэрэг болно гэдэгт найдаж байна.
Ялангуяа сэргээгдэх эрчим хүчний технологийн хөгжлөөр дэлхийд тэргүүлэгч Герман улсын Хоф хотод ажиллаж, амьдардаг Архитектор, Хот төлөвлөгч, Эрчим хүчний зөвлөх Үвэ Фикеншерийн санаачлан хэрэгжүүлсэн “Нарны байшин” төслийн санаа, хэрэгжүүлсэн байдал, үлгэр жишээ авах чухал зөвлөмжийг тусгайлан бэлтгэсэн нь та бүхэнд хэрэг болно гэдэгт найдаж байна.