АНУ болон Монгол Улс хоорондын дипломат харилцаа тогтоосны 30 жилийн ой энэ жил тохиож байна. Энэ хүрээнд Монгол гэрээс санаа авч, АНУ-д үйлдвэрлэсэн гэрийг Монгол нутаг дахь АНУ-ын ЭСЯ-ны хашаанд байрлуулжээ.

Тус гэрийг АНУ-ын ЭСЯ, консулын хэлтсээр үйлчлүүлсэн хүн бүрийг Монгол ёс заншлаар угтах, тэдэнд халуун дулаан, эерэг энерги өгөх зорилгоор уг гэрийг бүтээсэн гэнэ. Улмаар Консулын газрын ажилчдын дунд уг гэрт нэр өгөх уралдааныг зарлажээ. Ингээд “Altai Denali” хэмээх  нэрээр гэрээ нэрлэхээр болсон байна. 




Аляскагийн сүрлэг уул Дэнали, Монголын хамгийн өндөр уул болох Алтай Таван Богд уулсын хосолсон нэрээр нэрлэгдсэн уг гэр нь нарны эрчим хүчээр халдаг, байгальд ээлтэй, эко гэр юм байна.
 
“Алтай дэнали” гэрт хоёр улсын дипломат харилцааны түүхийг агуулсан зургууд өлгөжээ.