BARILGA EXPO-2008 ОЛОН УЛСЫН БАРИЛГЫН ҮЗЭСГЭЛЭН ЯАРМАГ
“Барилга Экспо - 2008” Олон Улсын барилгын үзэсгэлэн 2008 оны 8 дугаар сарын 22-ны өдрөөс 26-ны өдрүүдэд Монгол Улсын нийслэл Улаанбаатар хот, Мишээл Экспо төвд зохион байгуулагдах гэж байна.
Сүүлийн жилүүдэд Монгол Улсын эдийн засаг хурдацтай хөгжиж, түүнийг дагаад Барилгын салбарын зах зээл огцом өсч, томоохон эрэлтийг бий болгож байна. Монгол улсын засгийн газраас 40000 айлын орон хөтөлбөрийг хэрэгжүүлж Улаанбаатар хот болон орон нутагт орон сууц барих газрыг олгож, дэд бүтцийг тавьж шийдэж өгч байгаа нь барилгын салбарын хөгжилд ихээхэн түлхэц болж байна. Мөн Монгол улс иргэдэд газрыг үнэ төлбөргүй хувьчилсанаар иргэд өмчилсөн газар дээрээ амины орон сууц, барилга барих сонирхол маш их нэмэгдсэн нь барилгын материалын эрэлт хэрэгцээг улам нэмэгдүүлсэн.
Монгол улсад барилгын материалын үйлдвэрлэл сайн хөгжөөгүй тул барилгын материалынхаа 80 хувийг гадаадаас хангадаг бөгөөд зуны улиралд барилгын материалын хомсдолд орж үнэ хөөрөгдөх үзэгдэл сүүлийн жилүүдэд байнга гарах болсон. Барилгын материалын хомсдолыг далимдуулан зарим барилгын материал үйлдвэрлэгчид, худалдаалагчид чанаргүй барилгын материал борлуулж барилгын чанарт муугаар нөлөөлөх болсон.
Иймд Монгол улсад чанартай барилгын материал, тоног төхөөрөмж, шинэ техник технологи, хөрөнгө оруулалтыг нэвтрүүлэх зорилгоор “BARILGA EXPO – 2008” Барилгын олон улсын үзэсгэлэн яармагыг “Дэлхийн чанарыг Монголд” уриан дор зохион байгуулж байгаа нь ихээхэн ач холбогдолтой юм.
Энэхүү үзэсгэлэн худалдааг дараах төрийн болон төрийн бус байгууллагуудтай хамтарч зохион байгуулж байна. Үүнд: Барилга Хот Байгуулалтын Яам, Барилга Хот Байгуулалт Нийтийн Аж Ахуйн Үндэсний Төв, Монголын Барилгачдын Холбоо, Монголын Барилгын Инженерүүдийн Холбоо, Мишээл Экспо төв орж байна.
Тус үзэсгэлэн нь барилга архитекторын дизайнерууд, барилгын материал үйлдвэрлэгчид болон барилгын салбарт үйл ажиллагааг явуулдаг бусад аж ахуй нэгж байгууллагууд өөрсдийн бараа бүтээгдхүүнийг сурталчлах, харилцан хамтарч ажиллахад чухал ач холбогдолтой юм.
Үзэсгэлэн нь барилга үйлдвэрлэлийн салбар, архитектор инженерийн байгууламж, судалгаа, газрыг зүй зохистой ашиглах, хөдөлмөр хамгааллын аюулгүй байдал, амьдрах таатай орчинг бүрдүүлэх зэрэг асуудлуудыг бүрэн цогц хэмжээнд шийдэж өгөхөд туслана.
“Барилга МН”-ын өнгөрсөн жил зохион байгуулсан үзэсгэлэнд 200 гаруй гишүүн байгууллага, аж ахуй нэгжүүд өөрсдийн явуулж буй үйл ажиллагаа болон бараа бүтээгдэхүүнийг олон нийтэд танилцуулсан гэдгийг та бүхэнд хэлэх байна. Жил бүр үзэсгэлэнд оролцогчдын 60-70 хувь нь шинэ байгууллагууд байдаг. Мөн түүнчлэн энэхүү үзэсгэлэн болсноор гадаадын барилгын салбарын томоохон компаниуд Монголд өөрсдийн салбар, албан ёсны төлөөллийг бий болгож чаддаг байна. Үзэсгэлэнд Австри, БНХАУ, Өмнөд Солонгос, Герман, Хонгконг, Япон, Орос, Турк, Тайван зэрэг улсуудын барилгын компаниуд оролцох гэж байгааг та бүхэнд сонордуулахад таатай байна.
“BARILGA EXPO – 2008” Барилгын олон улсын үзэсгэлэн яармаг нь БХБЯ, БХБНААҮТ, БЗМТөв, МБХ зэрэг манай улсын барилгын салбарын томоохон төрийн болон төрийн бус байгууллагууд хамтран зохион байгуулж байгаа ОУ-ын хэмжээний маш чухал арга хэмжээ юм. Үзэсгэлэнгийн нийт талбай нь 2500 м.кв, ойролцоогоор 200 гаруй байгууллагууд үзэсгэлэнд оролцох боломжтой юм. Одоогоор үзэсгэлэн зохион байгуулагч байгууллага нь энэхүү арга хэмжээгээ Монгол улс дахь гадаадын 30 гаруй ЭСЯ-д, манай улсаас гадаадад сууж байгаа 40 гаруй ЭСЯ-уудад, мөн 40 гаруй барилгын салбарт үйл ажиллагаа эрхэлдэг ОУ-ын байгууллагуудаар дамжуулан үзэсгэлэнгийн үйл ажиллагааг сурталчлан танилцуулж байна. Мөн энэхүү сурталчилгаанаас гадна дотоодын хэвлэл мэдээллийн хэрэгслүүдтэй энэ тал дээр хамтарч ажиллаж байна.
Яг одоо үзэсгэлэнд оролцох бүртгэлийн ажиллагаа явагдаж байгаа тул та бүхнийг өргөнөөр оролцохыг урьж байгаадаа таатай байна.
Танилцуулгыг энд дарж үзнэ үүҮзэсгэлэнгийн талбайн зурагийг энд дарж үзнэ үү
Үзэсгэлэнгийн гэрээ татах
Үзэсгэлэнд оролцогчид
Барилга угсралт, барилгын материал үйлдвэрлэгчид, барилга угсралтын тоног төхөөрөмж, дотоод засал чимэглэл, цахилгааны болон сантехник угсралтын байгууллагууд оролцоно.
Үзэсгэлэнг үзэж сонирхогчид
Архитекторууд, барилгын салбарын төрийн болон төрийн бус байгууллагуудын төлөөллүүд, хөрөнгө оруулагчид, барилгачид, зөвлөх инженерүүд, үл хөдлөхийн бизнес эрхлэгчид, төрөл бүрийн судалгааны газрын мэргэжилтнүүд
1. Шинэ бараа бүтээгдхүүнийг сурталчлан таниулах.
Та бүхэнд өөрсдийн шинэ бараа бүтээгдхүүнээ сурталчлан таниулахдаа үзэсгэлэн дэх хурлын танхимыг ашиглах боломжтой гэдгийг мэдэгдэе. Шинээр зах зээлд бараа бүтээгдхүүнээ нэвтрүүлэхэд энэ нь хамгийн шилдэг арга юм. /Хурлын танхимын түрээсийн үнэ цагын 20 ам.доллар/
2. Семинар
Шинээр нэвтрүүлж буй техник технологийн дэвшлээ тухайн компаний мэргэжилтнүүд үзэсгэлэнг үзэж сонирхож буй барилгын салбарт бизнес эрхлэгч бусад хүмүүст сургалт семинар зохион байгуулах боломжтой. /Танхимыг ашиглах түрээс 20 ам.доллар/
1. Үзэсгэлэн болон павилоны талаарх мэдээлэл
Үзэсгэлэн, павилон захиалах талаархи бүхий л мэдээллийг дараах хаягаар авна уу
Утас: 7011-3333, 300175, 7711-3333, 8800-8088, 9600-3787
Факс: 7011-3333
И-мэйл: info@barilga.mn, batsukh@barilga.mn, barilgamn@yahoo.com
Вэб сайт: expo.barilga.mn
2. Павильон сонгох, павилоны түрээсийн гэрээ
Павилоноо сонгож баталгаажуулсаны дараа үзэсгэлэнд оролцогчдын павилоны түрээсийн гэрээг байгуулж зохион байгуулагчид уруу факс, имэйлээр илгээх
Гэрээнд тусгагдсаны дагуу павилоны түрээсийн төлбөрийг зохион байгуулагчын дансанд байршуулах, мөн өөрсдийн банкаар гүйлгээ хийсэн төлбөрийн баримтны хуулбарыг зохион байгуулагчид уруу илгээнэ. Төлбөрийг хүлээж авсаны дараа үзэсгэлэнд оролцогчдод зохион байгуулагчдын зүгээс нэхэмжлэл олгоно.
Үзэсгэлэнд оролцогчид нь түрээсийн болон бусад үйлчилгээний хураамжыг 2008 оны 08 сарын 08-наас өмнө дуусгавар болгосон байх шаардлагатай.
Үзэсгэлэнд оролцогчид нь зарласан хугацааны дагуу зохион байгуулагчын оффист ирж бүртгүүсний дараа өөрийн хүссэн байдлаараа хүссэн загвараараа павилоноо тохижуулах боломжтой.