Олон нийтийн сүлжээний тэргүүлэгч "Facebook" компани үл хөдлөх хөрөнгийн бизнест хөл тавиад удаагүй байгаа билээ.

     Барилгын гүйцэтгэгч St. Anton Partners компанитай хамтран 394 ширхэг орон сууцны цогцолбор бүхий хотхоны ажлыг эхлүүлсэн юм. 10 акр бүхий уг цогцолборт спорт баар, дугуй засвартай дэлгүүр, иогийн төв болон гэрийн тэжээвэр амьтдын асрах газар гэх мэт үйлчилгээний төвүүд багтах ажээ.



     Мэдээж "Facebook"-ийн ажилтнууд юун түрүүнд эдгээр орон сууцнуудаас түрээслэн амьдрах боловч олон нийтийн өмнө энэ боломжийг мөн нээлттэй байлгах шийдвэрийг компанийн удирдлагууд гаргажээ.



     Түүнчлэн ажилтнууд өөр хоорондоо ойр байж, шинэ санаагаа хуваалцаж байх уг хотхоны орчныг бүрдүүлэх тал дээр компанийн “тусгай багийнхан” гүйцэтгэгч талтай хамтран ажиллаж байгаа аж.



     Цогцолборт 35 студи, нэг өрөө бүхий 208, хоёр өрөө бүхий 139, 3 өрөө бүхий 12 орон сууцны барилга баригдаж байгаа. Эдгээрээс 15 барилгыг бага орлоготой иргэдэд зориулан төлөвлөжээ. Хотхоны гол хэсгийн загвар хөгжүүлэлт дээр Фрэнк Гери ажилласан байна.