59м2 бүхий СИП технологийн байшин
Хойд Америк болон Европын улсуудад барилгын СИП технологийг өдгөө хагас зуун жилийн турш хэрэглэж байгаа бөгөөд тиймээс маш сайн судлагдаж, технологи нь боловсронгуй болсон юм. Барууны улсуудад СИП технологи ашигласан барилгыг “Building with SIP`s” буюу СИП хавтан хэрэглэсэн барилга хэмээн нэрлэдэг.
Манай улсад сүүлийн үед модон араг бүтээцтэй байшинг “Канад технологийн байшин” гэж нэрлэх болжээ. Энэхүү СИП технологи нь мөн адил модон араг бүтээцтэй хэдий ч үйлдвэрийн нөхцөлд бэлтгэсэн хавтангуудаар угсардаг учраас угсармал барилгын нэг төрөл болж байгаа юм. Нөгөө талаас СИП хавтангуудыг хооронд нь модон брусээр холбодог. Үүний дүнд СИП нь байшингийн хана, тааз, дээвэр, хучилтад өгөгдөх ачааллыг даах модон араг бүтээц болж өгдөг. Холбогч брус нь сонгодог модон араг бүтээцийн тулгуур буюу дам нуруу болж байдаг.
СИП хавтанг байшингийн хийцэд зөв ашигласнаар барилгын чанарын үзүүлэлтийг сайжруулах боломжийг бий болгодог. Энэ төрлийн материалыг ашигласан байшин модон араг бүтээцгүй байсан ч байшингийн жингээс гадна гаднын ачаалал болох салхи шуурга, дээвэр дээрх цас, газар хөдлөлт тэрч байтугай дээрээс нь унасан модыг хүртэл даах чадвартай байна.
Модон брусээр холбогдсон СИП хавтан байшин нь ердийн модон араг бүтээцтэй байшингаас хэд дахин бат бөх болдог.
Давуу талууд- Дулааны хамгаалалт нь модон араг бүтээцэт барилгаас 1,5 дахин, бусад тоосго, модон, газосиликат материалаар баригдсан барилгаас хэд дахин дулаан хадгалах чадвартай.
- Эрчим хүчний хэмнэлт нь нийтийн халаалтын системээс хэд дахин хэмнэлт гарна.
- Ашигтай талбай нь 30 хувиар илүү болно.
- Боломжийн үнэ. Барилгыг барих зардал хамгийн бага
- Барилга барих хугацаа хамгийн богино. Байшингийн торхыг 1-2 долоо хоногт босгох боломжтой.
- СИП хавтангийн барилга суулт өгдөггүй учир шууд дотор заслын ажлыг эхэлж болно.
- Жин бага
- Өндөр үнэ бүхий түвэгшилтэй суурь шаардлагагүй
- Угсралт энгийн, тусгай техник шаардахгүй.
- Хавтанг үйлдвэрт бэлтгэнэ. Барилгын хавтангийн технологи нь барилгачдын дадлага туршлага ур чадварыг илтгэдэг ба хандлагаас болон гарах гологдлыг бууруулдаг.
- Жилийн аль ч улиралд барих боломжтой.
- Газар нутагт баригдах орчны болон хөрсний сүйтгэл бага
- СИП байшин хүйтэнд ч, халуунд ч тухтай.
- СИП байшин хурдан халж, удаан хөрдөг.
- Хүчтэй халаалтын систем шаардлагагүй. Кондиционер хэрэггүй.
- СИП байшин бөх бат
Америкийн судлаачид (Oak Ridge National Laboratory) ханын зузаан адилхан нөхцөлд эрдэслэг хөвөнгөөр дулаалсан каркас хананаас СИП хавтангаар барьсан байшин 1,5 дахин дулаан гэдгийг бодит байдал дээр тодруулсан. Түүнчлэн ACMEpanel–ийн судалгаагаар СИП хавтангаар барьсан хана нь шилэн хөвөнгөөр дулаалсан каркас байшингаас 2 дахин дулаан болохыг нотолж, 3 шалтгааныг нэрлэсэн байна. Үүнд,
- Каркас байшинд хэрэглэж байгаа эрдэстэй дулаалганаас СИП хавтангийн нягт дулаалга нь илүү үр дүнтэй. Онолоор 150 мм хөөсөнцөр (пенополистирол) 200 мм хуурай эрдэс хөвөнг оролдог. Бодит байдал дээр 150 мм хөөсөнцөр СИП хавтангийн түвшинд дулаалга хийхийн тулд 250 мм зузаан эрдэс хөвөн шаардагдана.
- Цаг хугацаа өнгөрөх тусам каркас хана нь чийг, эрдэс хөвөнгийн суултаас болж дулааны үзүүлэлт нь буурдаг.
- Каркас хананы угсралтын алдаа гарах тохиолдол байдаг.
Харин манайд дээрх 3 шалтгаан дээр хүний хариуцлагын нөлөөг нэмэх шаардлагатай. Каркас ханын дулаалга хийх үед гаргасан гологдол нь эрчим хүч хэмнэлтийг үгүй хийхэд хүргэдэг. Энэ хоёр хананы үзүүлэлтийн ялгаа манайд илүү мэдрэгддэг байна.
Холбоо барих
И-мэйл хаяг: eggermgl@gmail.com
ФБ пэйж хуудас: https://www.facebook.com/eggermgl/
Утас: 7703-0722, 8012-7727, 9595-7727
Хаяг: ХУД, Шаравын гудамж, 19 тоот
Холбоо барих
И-мэйл хаяг: eggermgl@gmail.com
ФБ пэйж хуудас: https://www.facebook.com/eggermgl/
Утас: 7703-0722, 8012-7727, 9595-7727
Хаяг: ХУД, Шаравын гудамж, 19 тоот