“Пи Эм Ай Монголиа Чаптер” байгууллага жил бүр олон улсын төслийн удирдлагын хурлыг зохион байгуулдаг. Энэ удаагийн гуравдугаар хурал “Төслийн удирдлагын шилдэг туршлага” сэдвийн дор энэ сарын 7-8-ны хооронд болсон бөгөөд мэдээллийн “Gold” ивээн тэтгэгчээр “Барилга.МН”-ийн хамт олон ажилласан юм.



         
         Хурлаар төслийн удирдлагын нэгж гэсэн чиглэлд түлхүү анхаарал хандуулж, байгууллагад тулгардаг бэрхшээлүүдийн талаар ярилцсан. Мөн БНСУ, Япон, Хонконг, Тайванийн төлөөлөгчид илтгэж тавьж, туршлагаасаа хуваалцлаа.



“Пи Эм Ай Монголиа Чаптер” ТББ-ын Стратеги хариуцсан Дэд ерөнхийлөгч П.Тэмүүлэн

-“Олон улсын төслийн институт”-ын тухай товчхон танилцуулна уу?

Төслийн удирдлагын институт нь 1962 онд АНУ-д төслийн удирдлагыг нэгдсэн нэг журамд оруулах, төслийн удирдлагыг хэрхэн удирдах тухай арга барилыг сургах зорилготойгоор байгуулагдсан. Энэ байгууллага нь дэлхийн 80-аад улсад 300 гаруй “Чаптер” гишүүн байгууллагатай үйл ажиллагаагаа явуулж байна. Эдгээрийн нэг салбар нь “Пи Эм Ай Монголиа Чаптер” ТББ юм. Бид олон улсад хүлээн зөвшөөрөгдсөн сургалтыг нийтэд болон гишүүддээ зориулан тогтмол зохион байгуулахаас гадна төслийн удирдлагын мэргэжилтнүүдийг хооронд нь харилцаа холбоо үүсгэх, мэдээллээр хангахад зориулсан арга хэмжээг сар тутам зохион байгуулах, Пи Эм Ай ОУБгууллагаас гаргасан олон улсын стандартыг Монгол улсад хэвшүүлэх чиглэлээр ажилладаг.
Монгол Улсад төслийн удирдлагын талаарх ойлголт сүүлийн жилүүдээс яригдаж эхэлсэн шинэ ойлголт юм. Эхний байдлаар “Төслийн удирдлагын газар” гэж байгуулагдаж, тэр байгууллагын ажилтан, мэргэжилтнүүд манай байгууллагаас сургалт авах, гишүүн болох гэх мэт маш их үүрэг оролцоотойгоор ажиллаж байна.

-Монголд төслийн удирдлагын хичээл заадаг олон байгууллага бий. Тухайлбал, Удирдлагын академид энэ тухай зааж байна. Эдгээрээс танай байгууллага юугаа ялгаатай, давуу талтай юм бэ?

Манай байгууллага “Пи Эм Ай глобал” буюу дэлхийн төслийн удирдлагаас гаргасан стандартын дагуу хичээлээ заадаг. Учир нь энэ байгууллагад гишүүнээр элссэн 80 гаруй байгууллагууд энэхүү стандартыг дагаж мөрддөг. Гаднын улс оронтой ажил хэрэг явуулахад нэг стандарт, нэг журмаар харилцана, бие биенээ ойлголцоно гэсэн үг юм. Нэг ёсны “Ажлын хэл” юм шүү дээ. Байгууллагын дотоод стандарт зөрөх, улс орны стандарт зөрөх гэх мэт асуудлууд үүсэхгүй.



-Өнөөдрийн хурал дээр ямар ямар хүмүүс илтгэл тавьж байгаа вэ? Онцлох хүмүүсээс дурдвал.

Уул уурхайн чиглэл, Уул уурхайн бус үйлчилгээний чиглэл, Төслийн удирдлагын газар, төслийн санхүүжилт гурван гэсэн сэдвийн дагуу гурван танхимд нэгэн зэрэг илтгэлүүд тавигдаж байна. Үүнээс онцолбол, “Эрдэнэс Монгол” компанийн гүйцэтгэх захирал Ц.Түмэн-цогт, “Оюу толгой” “Рио тинто” компаниудын албаны төлөөлөл, PMI глобал- Дэлхийн төслийн удирдлагын байгууллагын Удирдах зөвлөлийн ажилтан мөн салбар бүрийн төлөөллүүд хүрэлцэн ирж, илтгэл тавьж байна.

-Танай байгууллагын дараагийн ойрын зорьж, хийх ажил юу байх бол?

Сар бүр сонирхсон иргэдэд зориулж, уулзалт хийдэг. Энэ сургалт нь дээр мөн л ижил гаднын мэргэжилтнүүд ирж, сургалт заах болно.