Эко жорлон нь Бүхээг, Суурь, Нүх гэсэн 3 хэсэгтэй. Эко жорлонгийн гол зарчим нь өтгөн шингэнийг тусгаарлах суултуур юм. Энэ нь жирийн жорлонгийн суултуур дээр тавигдах нэмэлт хийц бөгөөд хүн суултуурт суун бие засах үед шингэн нь тусгаарлагчийн урд хэсгээр дамжин жорлонгийн доод талын нүхэнд шингэж, өтгөн нь суултуурын арын хэсгийн нүхээр доош унан, өтгөн хураах саванд орно. Энэхүү өтгөн хураах сав нь бүхээгний доод талын суурин дотор байрлана. 

















Эко жорлонд агааржуулагч хоолой, суултуур, шээлтүүр, гар угаагуур гэх мэт нэмэлт тоноглол суурилуулснаар жорлон үнэргүй, тохилог болох боломжтой. 
















































Суллах үйлчилгээний зарчим юу вэ?
ЭкоЖорлонгийн суллах үйлчилгээ нь савыг солих зарчимтай бөгөөд суллах үедээ жорлонгийн дүүрсэн савыг авч оронд нь хоосон сав сольж тавина. Үртэстэй холилдож, тодорхой хэмжээгээр хатсан өтгөн нь эзэлхүүн ихтэй боловч нягт багатай хөнгөн байдаг.



Таван ам бүлтэй айл 3 сар тутамд нэг удаа жорлонгоо суллуулах шаардлагатай. Харин суллаж авсан ялгадсыг нэгдсэн бордооны үйлдвэрт авчирч дараагийн шатны боловсруулалт эхэлнэ. 

Бордоожуулах гэж юу вэ? 
Байгаль орчныг бохирдуулж байгаа ялгадсыг өртөгжүүлэн байгаль орчныг ногооруулах бордоо болгох үе шат нь нилээд чухал үе шат юм. Энэ шатанд жижиг оврын бордооны үйлдвэрт ялгадсыг үртэс, сүрэл гэх мэт органик хаягдалтай 1:1:1 харьцаагаар хольж, доод тал нь 2м³ хэмжээтэй овоолго үүсгэнэ.  

“WaSH Action” ТББ Төслийн менежер Б.Шижиртуяа
​