Үл хөдлөх зуучлалын “Tranio” компаниас 2035 он гэхэд үл хөдлөхийн салбарт ямар өөрчлөлт гарах тухай нэгэн сонирхолтой нийтлэлийг гаргажээ. Энд бичсэн 20 гаруйхан жилийн дараа олон нийт зөвхөн интернэтээр байшин, орон сууцаа худалдан авч болох ч, үл хөдлөх хөрөнгийн зах зээл бидний төсөөлж байснаас ч илүү хурдтай өөрчлөгдөнө гэсэн таамаглалыг дэвшүүлж байна. Уншигч таны төсөөлөхийн аргагүй өөрчлөлтүүд гарах гэнэ. Уг нийтлэлээс харахад ирээдүйд бид шинэ технологи, шинэ дэд бүтэц, эд хөрөнгийг чухалчилж, хүний хөдөлмөр хөнгөвчилсөн тэс өөр нийгэмд амьдрахнээ. Ингээд дараах дурьдсан найман санааг бүрэн эхээр нь хүргэж байна.

 

Ирээдүйн хэт өндөр хурдтай галт тэрэг нь одоогийн ямар ч орчин үеийн галт тэрэгнээс 3-4 дахин илүү хурдтай байх болно. Лос-Анжелесаас Сан-Франциско хүртэлх 600 км-ийн хооронд ердөө 30 минут аялах юм.
Энэхүү галт тэрэг аялал жуулчлалын хугацааг багасгах бөгөөд энэ нь хөрш зэргэлдээ хот, тосгодод үзэгдэх төдийд харагдана. Хотын захын болон Мега хотуудын газрын үнэ өснө. Өнөөдрийн байдлаар БНХАУ аль хэдийнээ 130 сая хүний "Жинг-Жин-Жи" хэмээн нэрлэгдэх 9 хотыг нийлүүлсэн мега хотыг барихаар төсөл боловсруулж байна.
 

20 жилийн дотор бүх машин өөрөө өөрийгөө жолоодоно. Жолооч гэж үгүй болно. 2024 онд хүмүүс автомашин жолоодох кибер туслахтай болно. 2033 оны үед автомат жолоодлоготой машин зам дээрх цорын ганц тээврийн хэрэгсэл болох юм.
Мөн автомашинууд алсын зайн зогсоолд өөрсдөө хүрч, байрладаг болох учраас тэр үед хотын төв гудамжууд сул чөлөөтэй болж, цэцэрлэгт хүрээлэн ч ихтэй болно. Эдгээр машин нь цахилгаан, устөрөгч, хий /газ/-гээр ажиллах учраас байгаль орчинд илүү ээлтэй болох юм.
 

Томоохон хотуудад хүмүүс олноор шилжин ирж суурьшсанаар газрын үнэ өсч, амьдрах өртөг өндөр болно. Одоогоор олон улсын хэмжээнд газар доорх хэд хэдэн төслийг хэрэгжүүлж байна. Тухайлбал, 2018 онд нээлтээ хийхээр төлөвлөөд буй Нью-Йоркийн “Lowline” далд парк юм. Паркийн трамвайн зогсоолын барилгын ажил Манхэттаны зүүн талд орхигдсон газрын дор явагдаж байна. 
Дараагийн 12 жилд худалдааны томоохон төвүүд, спорт заал, рашаан, сувилал болон шөнийн клуб төдийгүй орон сууцны барилга, зочид буудал, банкууд газар дор байрлаж, хот үүсэх нөхцөлийг бүрдүүлнэ. Энэ орон зайд нарны гэрлийг нэвтрүүлнэ.
 

Нанотехнологийн ачаар хүн төрөлхтөн барилгын салбарт хувьсал хийх болно. Өөрөөр хэлбэл, шинээр өндөр чанартай барилгын материалыг бий болгох аж. Супер хүчтэй, уян хатан нано кабелийн утас, өөрийгөө цэвэрлэх ус, даацын өндөр чадамжтай шороон гадаргуу, хүчитгэсэн бетон, нарны эрчим хүч хуримтлуулах материал болон барилга байгууламж үүснэ.
Мэдээж энэ материал, тоног төхөөрөмжийг бүтээхэд хамгийн их баярлах хүмүүс нь архитекторууд биз ээ.
 

2014 онд “Шанхай” компани 3D хэвлэгч ашиглаж, нэг өдрийн дотор 10 байшин барьсан. Ингэхдээ хямд материалын тусламжтайгаар (бетон холимог болон дахин боловсруулсан хог хаягдал), ямар нэгэн гар ажиллагаагүйгээр нэг байшинг 5000 доллараар барьжээ.
Одоогоор 3D принтер ховор байгаа хэдий ч хэдхэн арван жилийн дотор зах зээл дээр вирус мэт тархах төлөвтэй байна.  
 

3D хэвлэгчээр зөвхөн барилга барихгүй. Хувцас, тавилга, гэр ахуйн хэрэгслийг ч хийх боломжтой. Энэ нь худалдаа үйлчилгээнд хэвшмэл үзэл баримтлалыг өөрчлөх болно. Тодруулбал, 3D принтерээр хүссэн бараа бүтээгдэхүүнээ хийж, үүнийг худалдан авагчид зөвхөн онлайнаар сонгож, захиалгаа хийнэ.
 

АНУ-д Виртуал бодит байдал технологийг хөгжүүлэх судалгааны ажлыг эрчимтэй хийж байна.  
 

Ойрын жилүүдэд роботууд хүний ​​хамгийн сайн найз болно. Робот нь цэвэрлэх, угаалга болон бусад үйлчилгээг үзүүлэхэд гэрт тань байрлаж туслах юм.  
Францын “Blue Frog Robotics” компани зах зээл дээр тун удахгүй хүний робот найзыг худалдаанд гаргахаар төлөвлөж байгаа. Энэ машин нь хүнтэй ​​харилцаж чаддаг байх аж. Энэ төрлийн робот нь гал тогооны тоног төхөөрөмж шиг л нийтлэг ашигладаг болно гэсэн үг юм.