Б.Ариунболд: Залуу хүн учраас шантралгүй тэмцдэг
Манай улсад “Үндэсний үйлдвэрлэл” гэдэг зүйл яригдаж эхлээд багагүй хугацаа өнгөрчээ. Зах зээлийн эдийн засаг маань одооноос л өөрийн өнгө төрхөө олж, солонгорох гэж байна.
Засгийн газраас бизнесийн орчинг дэмжих урт хугацааны бодлогыг тууштай хэрэгжүүлж чаддаггүйн улмаас зах зээл дээр үйл ажиллагаа явуулж буй аж ахуйн нэгжүүд ёстой л бор зүрхээрээ зүтгэж байна гэхэд хилсдэхгүй.
Энэ өрсөлдөөн, бэрх нөхцөл байдал дундаас салбартаа амжилттай, ахицтай ажиллаж буй “Гүнгэрваа” компанийн залуу удирдагч Б.Ариунболдтой ярилцсан юм. Ингэхдээ түүний “Ажлын нэг өдөр”-ийг хамт өнгөрүүлж, ажлын дадал, арга барил, ололт, амжилтын нууцаас нь хуваалцахыг хичээлээ.
“ГҮНГЭРВАА” ХХК-ИЙН ГҮЙЦЭТГЭХ ЗАХИРАЛ Б.АРИУНБОЛД
Одоо хашиж буй ажил, албан тушаал : “Гүнгэрваа” ХХК-ийн Гүйцэтгэх захирал
Байршил : Монгол Улс, Улаанбаатар хот, ДЦС-2 баруун урд , Гүнгэрваа Оффис
Хэрэглэдэг гар утас : Samsung Galaxy Alpha, iPhone 5s
Хэрэглэдэг компьютер ба таблет : ASUS M70AD TOWER PC, iPad Mini
Таны ажлын арга барилыг цөөн үгээр тодорхойлбол: Аливаа ажлыг гүйцэтгэх шийдлийг богино хугацаанд боловсруулж бүтээмж өндөртэй ажиллах. Хурд бол хүч.
Сошиал аккаунт: Монгол Батсайхан Ариунболд (фэйсбүүк)
-Таны ажлын нэг өдөр хэрхэн өнгөрдөг вэ?
Миний хувьд өдөр бүрийн ажлын төлөвлөлт харьцангуй өөр өөр байдаг. Ажил дээрээ ирээд бусад ажилтнуудынхаа нэгэн адил хурууны хээгээрээ цагаа бүртгүүлэхээс эхэлдэг. Манай байгууллага ажлын байрны соёлын “5С” хөтөлбөрийг нэвтрүүлсэн учраас эхлээд ширээгээ цэгцлэн, ажилтнуудын ирц, үйлдвэрийн үйл явц, орчин тойрны хяналтыг хийдэг. Дараа нь хурал, уулзалт, сургалт гээд маш завгүй өнгөрдөг дөө. Зарим үед бүтэн өдөржин өрөөнөөсөө гарч чадалгүй ажиллах тохиолдол ч бий.
Өнөөдрийн хувьд шуурхай хурал хийлээ. Харилцагчтайгаа бүтээгдэхүүн нийлүүлэх гэрээ хийлээ. Оффисын барилгын гадна хаягжилтын ажлыг гарч шалгаад дараа нь үйлдвэрлэлийн явцад хяналт хийх ёстой. Мөн өнөөдрийн хамгийн чухал ажил бол ажилтнуудынхаа дунд “Чанарын Удирдлагын Тогтолцооны (ЧУТ) баримт бичгүүд”-ийг танилцуулах сургалтыг хийнэ. Ер нь өнөөдөр жаахан ачаалалтай өдөр болох шинжтэй шүү.
-Үйлдвэрийн ажлыг хэдийнээс, яагаад сонирхох болов?
Манай компани 1998 оноос хойш “Бетон эдлэл” үйлдвэрлэж байна. “Гүнгэрваа” бол аавын минь үүсгэн байгуулсан компани. Хүүхэд ахуй үеэс аав маань намайг аж ахуйн ажилд дагалдуулан сургаж, хөдөлмөрийн үнэ цэнийг ойлгуулсан. Энэ үеэс л үйлдвэрээ ихээр сонирхож эхэлсэн дээ. Компанидаа үйлдвэрлэлийн анхан шатны ажлаас авахуулан бүх шатны ажлыг хийсээр ирсэн.
-Энэ хугацаанд компанидаа хийсэн томоохон өөрчлөлтүүдээс дурдвал.
Алхам алхмаар байгууллагын чадавхыг нэмэгдүүлж байна. Аль ч байгууллагын хувьд үнэт зүйл нь ажилтан, албан хаагчид нь байдаг. Байгууллагын эерэг хандлагыг нэмэгдүүлэх, эрүүл, тухтай ажиллах орчинг бүрдүүлэх явдал маш чухал. Мөн мэдээж байгууллагын өрсөлдөх чадварыг нэмэгдүүлж, салбартаа манлайлагч болохоор хичээн ажиллаж байна.
-Танд хамгийн их туршлага болсон ажил гэвэл?
Ажил бүр л ямар нэг хэмжээгээр туршлага өгдөг. Гэхдээ хөдөө орон нутагт, хол газар ажиллах үед л хүн олон зүйлийг сурч, ойлгодог юм шиг санагдсан. Тав тух, амар тайван байдлаас хол, аливаа нөөц хязгаарлагдмал, ажил нь хүнд, сорилт их байх тусам хүн ихийг сурч, маш сайн туршлага хуримтлуулдаг юм билээ.
Зураг. 2013.09 сар. “Гүнгэрваа” ХХК-ийн Ерөнхий захирал Б.Батсайхан “Алтан гадас” төрийн дээд одонгоор шагнагдаж байх үе.
Засгийн газраас бизнесийн орчинг дэмжих урт хугацааны бодлогыг тууштай хэрэгжүүлж чаддаггүйн улмаас зах зээл дээр үйл ажиллагаа явуулж буй аж ахуйн нэгжүүд ёстой л бор зүрхээрээ зүтгэж байна гэхэд хилсдэхгүй.
Энэ өрсөлдөөн, бэрх нөхцөл байдал дундаас салбартаа амжилттай, ахицтай ажиллаж буй “Гүнгэрваа” компанийн залуу удирдагч Б.Ариунболдтой ярилцсан юм. Ингэхдээ түүний “Ажлын нэг өдөр”-ийг хамт өнгөрүүлж, ажлын дадал, арга барил, ололт, амжилтын нууцаас нь хуваалцахыг хичээлээ.
“ГҮНГЭРВАА” ХХК-ИЙН ГҮЙЦЭТГЭХ ЗАХИРАЛ Б.АРИУНБОЛД
Одоо хашиж буй ажил, албан тушаал : “Гүнгэрваа” ХХК-ийн Гүйцэтгэх захирал
Байршил : Монгол Улс, Улаанбаатар хот, ДЦС-2 баруун урд , Гүнгэрваа Оффис
Хэрэглэдэг гар утас : Samsung Galaxy Alpha, iPhone 5s
Хэрэглэдэг компьютер ба таблет : ASUS M70AD TOWER PC, iPad Mini
Таны ажлын арга барилыг цөөн үгээр тодорхойлбол: Аливаа ажлыг гүйцэтгэх шийдлийг богино хугацаанд боловсруулж бүтээмж өндөртэй ажиллах. Хурд бол хүч.
Сошиал аккаунт: Монгол Батсайхан Ариунболд (фэйсбүүк)
-Таны ажлын нэг өдөр хэрхэн өнгөрдөг вэ?
Миний хувьд өдөр бүрийн ажлын төлөвлөлт харьцангуй өөр өөр байдаг. Ажил дээрээ ирээд бусад ажилтнуудынхаа нэгэн адил хурууны хээгээрээ цагаа бүртгүүлэхээс эхэлдэг. Манай байгууллага ажлын байрны соёлын “5С” хөтөлбөрийг нэвтрүүлсэн учраас эхлээд ширээгээ цэгцлэн, ажилтнуудын ирц, үйлдвэрийн үйл явц, орчин тойрны хяналтыг хийдэг. Дараа нь хурал, уулзалт, сургалт гээд маш завгүй өнгөрдөг дөө. Зарим үед бүтэн өдөржин өрөөнөөсөө гарч чадалгүй ажиллах тохиолдол ч бий.
Өнөөдрийн хувьд шуурхай хурал хийлээ. Харилцагчтайгаа бүтээгдэхүүн нийлүүлэх гэрээ хийлээ. Оффисын барилгын гадна хаягжилтын ажлыг гарч шалгаад дараа нь үйлдвэрлэлийн явцад хяналт хийх ёстой. Мөн өнөөдрийн хамгийн чухал ажил бол ажилтнуудынхаа дунд “Чанарын Удирдлагын Тогтолцооны (ЧУТ) баримт бичгүүд”-ийг танилцуулах сургалтыг хийнэ. Ер нь өнөөдөр жаахан ачаалалтай өдөр болох шинжтэй шүү.
-Үйлдвэрийн ажлыг хэдийнээс, яагаад сонирхох болов?
Манай компани 1998 оноос хойш “Бетон эдлэл” үйлдвэрлэж байна. “Гүнгэрваа” бол аавын минь үүсгэн байгуулсан компани. Хүүхэд ахуй үеэс аав маань намайг аж ахуйн ажилд дагалдуулан сургаж, хөдөлмөрийн үнэ цэнийг ойлгуулсан. Энэ үеэс л үйлдвэрээ ихээр сонирхож эхэлсэн дээ. Компанидаа үйлдвэрлэлийн анхан шатны ажлаас авахуулан бүх шатны ажлыг хийсээр ирсэн.
-Энэ хугацаанд компанидаа хийсэн томоохон өөрчлөлтүүдээс дурдвал.
Алхам алхмаар байгууллагын чадавхыг нэмэгдүүлж байна. Аль ч байгууллагын хувьд үнэт зүйл нь ажилтан, албан хаагчид нь байдаг. Байгууллагын эерэг хандлагыг нэмэгдүүлэх, эрүүл, тухтай ажиллах орчинг бүрдүүлэх явдал маш чухал. Мөн мэдээж байгууллагын өрсөлдөх чадварыг нэмэгдүүлж, салбартаа манлайлагч болохоор хичээн ажиллаж байна.
-Танд хамгийн их туршлага болсон ажил гэвэл?
Ажил бүр л ямар нэг хэмжээгээр туршлага өгдөг. Гэхдээ хөдөө орон нутагт, хол газар ажиллах үед л хүн олон зүйлийг сурч, ойлгодог юм шиг санагдсан. Тав тух, амар тайван байдлаас хол, аливаа нөөц хязгаарлагдмал, ажил нь хүнд, сорилт их байх тусам хүн ихийг сурч, маш сайн туршлага хуримтлуулдаг юм билээ.
Зураг. 2013.09 сар. “Гүнгэрваа” ХХК-ийн Ерөнхий захирал Б.Батсайхан “Алтан гадас” төрийн дээд одонгоор шагнагдаж байх үе.
Эх орныхоо хөгжил дэвшилд хамгийн үнэтэй хувь нэмэр оруулж буй “Үндэсний Үйлдвэрлэгчид”-ээ төр засгаас дэмжээсэй гэж их хүсдэг.
-“Гүнгэрваа” компани Чанарын Удирдлагын Тогтолцооны ISO 9001 стандартыг нэвтрүүлж байгаа гэж сонссон. Энэ тухайд?
Манай компани 18 жилийн турш тасралтгүй үйл ажиллагаагаа явуулж ирсэн. Хүнээр бол эрийн цээнд хүрэх нас. Одоо дээд боловсрол эзэмших хэрэгтэй биз дээ (инээв).
Бид “Монголын Бүтээмжийн Төв”-тэй хамтран Олон улсын Чанарын Удирдлагын Тогтолцооны ISO 9001:2008 стандартыг нэвтрүүлэх төсөл болон Материалын Урсгал Зардлын тооцооллын ISO 14051 стандарт, “Азийн загвар байгууллага” болох төслүүдийг тус тус 2015 оны 7 дугаар сараас эхлүүлсэн. Энэхүү төсөл хэрэгжиж эхэлснээр ажилчдын хандлага өөрчлөгдөж, ажилчид ажлаа тасралтгүй хөгжүүлэх шинэ санал, санаачилга гарган эерэг өөрчлөлтүүд олноор хийгдсэн. Мөн ажиллах орчин сайжирч, илүү бүтээмжтэй, баг хамт олноороо урам зоригтой ажлаа хийдэг болсон.
-Танай үйлдвэрийн бусдаас ялгарах онцлог, давуу тал?
Манай дотоодын үйлдвэрлэгчид бүгд л сайн. Бидний хувьд олон жил тогтвортой үйл ажиллагаа явуулж, чанарыг эрхэмлэн, бараа бүтээгдэхүүнээ технологийн дагуу, стандартыг ягштал мөрдөж ажилладгаараа давуу талтай. Төмөр бетон эдлэлийн чанарын талаар хийсэн судалгаанд манай компани тэргүүлсэн байсан. Бид цаашид ногоон үйлдвэрлэлийг бий болгохоор зорьж байгаа.
-Ажилдаа ямар програмыг ашиглаж байна вэ?
Google-ийн “Drive”, “Calendar”, “Gmail” зэрэг туслах программуудыг ашигладаг. Ашиглахад хялбар, онлайнаар нэг файл дээр багаараа ажиллах боломжтой байдаг нь таалагддаг. Мөн ажлаа төлөвлөхдөө “todoist” апликейшныг хэрэглэдэг.
-Хамгийн сүүлд ямар ном уншсан бэ?
Яг одоогоор Стивен Р.Ковигийн “Найм дахь дадал”, мөн Монголын бүтээмжийн төвөөс гаргасан “Гэмба Кайзэн” гэсэн номуудыг уншиж байна. Хамгийн их сэтгэгдэл үлдээсэн номын хувьд гэвэл Жек Лондоны “Мартин Иден” болон Сервантесийн “Дон Кихот” /Кихот ноён/ зэрэг зохиолууд юм.
-Чөлөөт цагаараа юу хийх дуртай вэ?
Амжилттай яваа эр хүний ард хүчирхэг эмэгтэй байдаг гэж ярьдаг. Надад үлдсэн боломжит цаг болгоныг гэр бүлдээ зориулахыг хичээдэг.
-Таны мөрөөдөл, зорьсон зорилго?
Мөрөөдлийн хувьд сайн удирдагч болохыг хүсдэг. Ойрын жилүүдэд байгууллагынхаа үйл ажиллагааг эрчимтэй өргөжүүлэн томоохон бүтээн байгуулалтыг цогцлоон хөгжлийн чухал алхмуудыг гүйцэтгэхээр зорьж байна.
-Хамгийн сүүлд хийсэн нийгмийн ажил?
Байгууллага, хамт олныхоо зүгээс нийгмийн хариуцлагаа биелүүлж, цэцэрлэгт багшаар ажилладаг олон хүүхэдтэй өрх толгойлсон эмэгтэйд таван ханатай шинэ монгол гэр авч өгсөн. Тэр багш тухайн цэцэрлэгийнхээ уурын зуухны байшинд хүндхэн нөхцөлд амьдардаг байсан.
-Таны ажлын сайхан нь юундаа байна? Шантрах тохиолдол гарч байв уу?
Эх орныхоо хөгжил дэвшилд хамгийн үнэтэй хувь нэмэр оруулж буй “Үндэсний Үйлдвэрлэгчид”-ээ төр засгаас дэмжээсэй гэж их хүсдэг. Шантрах тохиолдол нэг их гарч байгаагүй юм байна. Хэцүү үе байлгүй л яахав. Залуу хүн учраас шантралгүй тэмцдэг. Зорилго нэгтэй хүмүүсийн хамтын хүч хөдөлмөрөөр баялаг бүтээж үйлдвэрлэн, ямар том бүтээн байгуулалт хийж чаддаг юм бэ гэдгийг ажлын дараа харах, мэдрэх тэр мөч үнэхээр сайхан.
Эх орныхоо бүтээн байгуулалтанд сэтгэл зүрх, мэдлэг чадвараа дайчлан ажиллаж, ихийг хийж яваа залуу эрхэм Б.Ариунболд танд ололт, амжилт бүхнийг хүсэн ерөөе.
