2017 оны барилга, орон сууцны өнгө төрхийг Барилга экспогоос
Жил бүрийн хаврын улиралд барилгын ажил идэвхжиж эхэлдэг энэ үед уламжлал ёсоор зохион байгуулагддаг “Barilga Expo 2017” олон улсын үзэсгэлэн яармаг өнөөдөр 12:00 цагт Мишээл Экспо төвд нээлтээ хийлээ. Үзэсгэлэн Орон сууц, ногоон барилгын чиглэлээр 4-р сарын 28-30, Барилгын материал, дэвшилтэт технологийн чиглэлээр 5-р сарын 5-7-ны өдрүүдэд үргэлжилнэ.
9 дэх жилдээ зохион байгуулагдаж, барилгын салбартаа брэнд болон танигдсан энэхүү үзэсгэлэн нь орон сууцны төсөл хэрэгжүүлэгчид, барилгын материал үйлдвэрлэгчид, ногоон барилга, байгальд ээлтэй дэвшилтэт технологи нэвтрүүлэгчид гээд 200 гаруй компанийн бүтээгдэхүүн үйлчилгээг нэгэн дээвэр дор төвлөрүүлж, иргэддээ хүргэдэг уламжлалтай.
Оролцогч компаниуд зөвхөн үзэсгэлэнгийн өдрүүдэд хөнгөлөлт урамшуулал, хонжворт сугалаатай худалдаа явуулах юм. Тухайлбал,
- “Твин хаус констракшн” ХХК үзэсгэлэнгийн 2 дахь өдөр байраа захиалаад 30 хувиа буцаан авах хонжворт сугалаа явуулна.
- “Монкон констракшн” ХХК 2.2-2.8 сая төгрөгийн хооронд үнийн дүнгийн хямдралтай орон сууцны захиалга авна.
- “Монзунлунхай констракшн” ХХК байр захиалгын үнийн дүнг 2.2-2.6 сая төгрөг байсныг 1.8-1.9 сая төгрөг болгон хямдруулна.
- “Хүннү гүрний шүтээн” ХХК байр захиалагчиддаа үнийн дүнгийн 5-10 хувийн хөнгөлөлт эдлүүлнэ.
- “Эрин интернэшнл” ХХК 2-р ээлжийн орон сууц захиалгын үнээ 2.2 сая төгрөгөөс 1.9 сая болгон хямдрруулна.
- Материал импекс ХК байрныхаа үнийг м.кв тутмаас 100000 төгрөг хямдруулж, захиалагчиддаа гал тогооны тавилга бэлэглэж, хонжворт сугалаагаар гадаадад аялах азтан шалгаруулна.
- “Ноён Шаг” ХХК Шинэ гүрэн хорооллын байр захиалгын төлбөрөө 100 хувь төлсөн тохиолдолд 1650000-аас 1250000 төгрөг болгон хөнгөлөлт үзүүлнэ. Мөн үзэсгэлэнгийн нэмэлт болгож бүх захиалагчиддаа 5 хувийн хөнгөлөлт өгч, компанийн хувь лизингдээ хамрагдах боломжийг олгоно.
Үзэсгэлэнд ирснээр иргэд Улаанбаатар хотод баригдаж буй орон сууцнуудын үнэ ханшийн харьцуулалт, амины орон сууцаа өөрсдөө барих зөвлөмж, барилгын материалаа зөв сонгох гээд хэрэгцээт мэдээллээ нэг дороос авна. Мөн худалдан авах байр, бүтээгдэхүүнийхээ үнийг харьцуулалт хийж, бартер солилцоо болон онцгой хөнгөлөлттэй үнээр авах боломжтой.
Нээлттэй семинар, сургалтууд:
Орон сууц, ногоон барилгын үзэсгэлэнд хүрэлцэн ирж, сонирхсон иргэд эдгээр семинар, сургалтуудад үнэ төлбөргүй хамрагдах бүрэн боломжтой.
Барилгын салбарын бүхий л мэдээллийг нэг дор төвлөрүүлсэн “Barilga Expo 2017” олон улсын үзэсгэлэнд та бүхнийг урьж байна.
Холбоо барих утас: 99905443, 91000222