Нийтийн аж ахуйн салбарын удирдах ажилтнууд зөвлөлдөж байна
“Барилга, нийтийн аж ахуйн салбарын удирдах ажилтны зөвлөгөөн 2017”-ний хүрээнд Нийтийн аж ахуйн салбарын удирдах ажилтнууд өнөөдөр Барилгын хөгжлийн төвд зөвлөлдөж байна. Энэхүү салбар зөвлөгөөнд барилга, нийтийн аж ахуйн төрийн болон хувийн хэвшлийн байгууллагуудын удирдлагууд оролцож, салбарынхаа тулгамдсан асуудал болон шийдвэрлэх арга зам, барилга орон сууцны зах зээлийн талаарх мэдээлэл өгч, илтгэл тавьж байгаа юм.
Тухайлбал,
- БХБЯ-ны НААБХЗГ-ын дарга О.Лхагвацэдэн – НААҮ-ний байгууллагуудын өнөөгийн байдал, цаашдын зорилт
- “ХСУХАТАҮЗЗ”-ийн дарга Э.Пүрэвжав – Салбарын санхүү, эдийн засгийн байдал, үйлчилгээний чанар, үр ашиг, цаашид авах арга хэмжээ
- МНААҮХ-ны гүйцэтгэх захирал, МУ-ын АҮ-ийн Гавьяат ажилтан Б.Пүрэвжав – Орон нутгийн аж ахуйн байдлын өнөөгийн байдал, цаашдын зорилт
- ДЭМБ-ын орчны эрүүл мэндийн асуудал хариуцсан мэргэжилтэн АУ-ны доктор В.Дэлгэрмаа – Монгол улсын ундны усны аюулгүй байдал
- Монголын ус сувгийн ассоциацийн тэргүүн, МУ-ын Зөвлөх инженер Ө.Цэдэндамба – Цэвэрлэх байгууламж ба байгаль орчин
- “Тэнхлэг Зууч” ХХК-ийн захирал Д.Должинсүрэн – Улаанбаатар хотын барилга, орон сууцны зах зээлийн төлөв байдал
- “Ультрасоник” ХХК-ийн ИТА-ны дарга Ж.Хуягбаатар – Барилгын салбарт дэвшилтэт технологийг ашиглах шаардлага
- “Би Ти Солюшн” ХХК-ийн захирал Р.Батбаяр – НААҮ-ний байгууллагуудын нягтлан бодох бүртгэл, санхүүгийн программ хангамж
Гэх мэт илтгэл, танилцуулгыг хийж, зөвлөгөөнөөс гарах шийдвэрийн төслийг танилцуулан батлах ажээ.