СЭЗИС-ийн багш, дэд профессор, Эдийн засагч, “Барилга.МН” сэтгүүлийн Зөвлөх Ж.Дэлгэрсайхан

   Төслийн удирдлагатай холбоотой цувралын үргэлжлэлийг та бүхэнд хүргэж байна. Бид өмнөх хэсэгт төсөл бүр өөрийн гэсэн онцлог бүхий бүтээгдэхүүн, үйлчилгээ эсвэл ямар нэгэн үр дүнг бий болгодог болохыг дурдсан. Харин энэ удаагийн дугаарт төслийн сонголтыг хэрхэн хийх, хэрэгжүүлэх боломжийг тодорхойлох талаар авч үзье.

   Бүх төслийн үр дүн болоод үйл ажиллагаанд давтагдах элементүүд ажиглагддаг хэдий ч энэхүү давталт нь төслийн ажлын суурь онцгой шинж чанарыг өөрчилдөггүй. Жишээ нь: оффисын барилгууд ижил төстэй материалаар хийгдсэн мөн ижил баг хамт олон гүйцэтгэсэн байж болох ч өөр өөр байршил, өөр өөр дизайн, ялгаатай нөхцөл байдалд, өөр өөр хувьцаа эзэмшигчид гэх мэт олон зүйлээс хамаараад төслийн барилга бүрт ямар нэгэн онцлог байдаг. Иймээс төсөл бүрийг шууд харьцуулж, өөр төслийг даган дуурайх байдлаар хийх, хэрэгжүүлэх нь буруу бөгөөд амжилттай, үр дүнтэй болгохын тулд төслийн онцлогийг харгалзан, түүнд тохирсон сонголт, шийдвэр гаргалтыг хийх хэрэгтэй.

Үүнд, харгалзан үзэх гол хүчин зүйл нь төслийн амьдралын мөчлөг бөгөөд түүний үе шат болгоныг зөв төлөвлөж, хэрэгжүүлэх явдал юм.

Төслийн үе шат болон амьдралын мөчлөг

Төслийн хэмжээнээс хамааран төсөл нь эхлээд дуусах хүртэл маш олон үе шатыг дамжин эцсийн үр дүнг бий болдог. Тиймээс илүү ойлгомжтой болгох үүднээс жишээ болгон 5 жилийн хугацаатай төслийн амьдралын мөчлөг болон үүний үе шатуудыг дараах хүснэгтэд харууллаа.