Тэнгис кино театрын урд баригдаж буй иргэн К.Пүрэвийн 22 давхар барилгад ашиглаж байсан өргөгч краныг буулгав. Тус краныг 6-7 жилийн туршид ашиглаагүй юм. Энэхүү кран Эко констракшны эзэмшил бөгөөд Ган хүч компанид захиалга өгч, барилгын техникийн хяналтын улсын байцаагчийн мэргэжил арга зүйн зөвлөгөө, хяналтын дор хамтран буулгалаа.

Барилга анх баригдах зураг төслөөсөө өөрчлөгдсөн тул өргөгч краныг өөрөөр нь буулгах боломжгүй байсан юм. Нийслэлийн хэмжээнд жилд 100 гаруй барилгад өргөгч кран ашиглах зөвшөөрөл өгдөг аж. Кран ашиглаж буй бүх барилга дээр мэргэжлийн хяналтын байцаагч нар хяналт шалгалтаа тогтмол явуулж, аюулгүй ажиллагааны зааварчилгаа өгч, эрсдэлээс урьдчилэн сэргийлж ажиллаж байна.