Монгол, Орос, Хятадын Худалдаа аж үйлдвэрийн танхимуудын дээд хэмжээний уулзалт Улаанбаатар хотноо 2017 оны 6 дугаар сарын 15-16-ны өдрүүдэд зохион байгуулагдах гэж байна.

Арван гуравдах жилдээ уламжлал болгон зохион байгуулагдаж байгаа энэхүү уулзалт нь 3 орны Худалдаа Аж Үйлдвэрийн танхимуудын хамтын ажиллагааг өргөжүүлэх, хамтарсан төсөл хөтөлбөр хэрэгжүүлэх, гурван улсын бизнес эрхлэгчдийн уялдаа холбоог нэмэгдүүлж, хөрш зэргэлдээ оршдог орнуудын хувьд худалдаа, эдийн засгийн асуудал, тэдгээрт тулгамдаж буй бэрхшээлүүдийг төр хувийн хэвшлийн түншлэлийн хамтын хүчээр шийдвэрлэдгээрээ онцгой ач холбогдолтой юм.

Тус уулзалтаар уул уурхай, дэд бүтэц, байгаль орчин ногоон хөгжил, хүнс хөдөө аж ахуй үйлдвэрлэл, хил гааль, татварын асуудлаар салбар хуралдаанууд зохион байгуулж 3 улсын бизнес эрхлэгчдийн хамтын ажиллагааг сайжруулах, хөрөнгө оруулалт татах, хөрөнгө оруулагчдын итгэлийг нэмэгдүүлэх, салбар чиглэлүүдэд хэрэгжүүлэх боломжтой төслүүдийг харилцан танилцуулах зэрэг үйл ажиллагаа явуулах болно.

Арга хэмжээ 2017 оны 6 дугаар сарын 15-16-ны өдрүүдэд болно.

Бүртгэлийн хугацаа: 2017 оны 6 дугаар сарын 09 -ний өдөр хүртэл

Хавсралт: Хөтөлбөрийг хавсаргав.
ЖИЧ: Төлбөр нэг хүний 100 000 /нэг зуун мянган төгрөг/
Үүнд: Хөтөлбөрийн дагуу 6-р сарын 16-ны хурал, үдийн хоол, оройн хүлээн авалт багтсан болно.

Холбоо барих: Хэрэглэгч үйлчилгээний газар
Мэргэжилтэн, Ж.Алтанцэцэг - Утас: 88117309
Мэргэжилтэн, Г.Нарангоо - Утас: 99022590

БҮРТГҮҮЛЭХ