Хөрсний бохирдол үүсгэж буй захуудыг нүүлгэнэ гэв
“Хөрсний бохирдлыг бууруулах нь” сэдвийн дор төрийн болон төрийн бус байгууллага, аж ахуйн нэгж, эрдэмтэн судлаачдын дунд хэлэлцүүлэг болжээ. Энэ үеэр НИТХ дахь АН-ын бүлгээс санаачилсан дараах зөвлөмжийг гаргасан байна.
Монгол Улсын хэмжээнд Хөрс хамгаалах бодлого өнөөг хүртэл байхгүй байгаа бөгөөд хөрс хамгаалах урт, удаан хугацааны бодлого, чиглэл тодорхойлох шаардлагатай байна хэмээн үзэж, дараах зөвлөмжийг гаргажээ.
- Хөрсний бохирдлыг бууруулах чиглэлээр үйл ажиллагаа явуулж буй төрийн байгууллагуудын зорилго, чиглэл, хариуцах асуудлыг нарийн зөв тусгах шаардлагатай байна.
- Хөрсний бохирдлын судалгаа, шинжилгээний талаар нэгдсэн мэдээллийн баазтай болох,
- Улаанбаатар хотын хөрсний металлын агууламжийн бохирдлын гол эх үүсвэр болоод байгаа автомашины ажилласан тос масло, цахилгаан хөдөлгүүртэй машины баттерэй зэрэг “Аюултай хог, хаягдал”-ын асуудлыг яаралтай зохицуулах, цэгцлэх,
- Аюултай хог хаягдлыг зайлуулах байгууламжийг барих, шийдвэрлэх,
- Хатуу хог хаягдлыг боловсруулах байгууламж барих,
- Хөрсний бохирдол ихтэй худалдааны зах, төвүүдийг нүүлгэх, шилжүүлэх зоригтой шийдвэрүүдийг гаргаж, хэлэлцүүлэх,
Эрүүл мэндийн байгууллагууд хөрсний бохирдлын өнөөгийн байдал иргэдийн эрүүл мэндэд хэрхэн нөлөөлж байгаа, ямар өвчлөл үүсгэж байгаа, хэрхэн сэргийлэх талаар судалгаа, шинжилгээ хийж, иргэд олон нийтэд мэдээлэх зэрэг олон асуудлыг тусгасан байна.
Зөвлөмжид тусгагдсан санал, санаачлагыг ажил хэрэг болгох үүднээс НИТХ-ын Төлөөлөгч Т.Батцогт БЗД-ийн 21 дүгээр хорооны 127 дугаар сургуулийн ахлах ангийн сурагчдын дунд “Хөрсний бохирдол-Бидний оролцоо” сэдэвт өдөрлөгийг энэ сарын 17-ны өдөр МУБИС, ХААИС-ийн эрдэмтэн багш, оюутнуудыг оролцуулан зохион байгуулахаар болжээ.
Өдөрлөгөөр сурагчдад “Хөрсний бохирдол гэж юу вэ, бидний эрүүл мэндэд хэрхэн нөлөөлж байдаг, хэрхэн урьдчилан сэргийлэх вэ” зэрэг асуудлын хүрээнд мэдээлэл, зөвлөмж өгөх аж.
Зөвлөмжид тусгагдсан санал, санаачлагыг ажил хэрэг болгох үүднээс НИТХ-ын Төлөөлөгч Т.Батцогт БЗД-ийн 21 дүгээр хорооны 127 дугаар сургуулийн ахлах ангийн сурагчдын дунд “Хөрсний бохирдол-Бидний оролцоо” сэдэвт өдөрлөгийг энэ сарын 17-ны өдөр МУБИС, ХААИС-ийн эрдэмтэн багш, оюутнуудыг оролцуулан зохион байгуулахаар болжээ.
Өдөрлөгөөр сурагчдад “Хөрсний бохирдол гэж юу вэ, бидний эрүүл мэндэд хэрхэн нөлөөлж байдаг, хэрхэн урьдчилан сэргийлэх вэ” зэрэг асуудлын хүрээнд мэдээлэл, зөвлөмж өгөх аж.