Орон гэртээ цонх хийх гэж байгаа эсвэл шинээр солих гэж байгаа бол дараах зөвлөгөөнд анхаарлаа хандуулаарай. Цонх нь барилга, байгууламжийн гол элемент бөгөөд чанартай цонх сонгож, зөв суурилуулах нь хашлага бүтцээцийн элементүүдээс дулаан хамгийн их алдагддаг хэсэг юм. Иймд барилгын чанарт нөлөөлдөг хамгийн чухал зүйл нь стандартын шаардлага хангасан материал, технологи, зөв суулгалт болно. Нэн түрүүнд худалдан авах гэж буй цонхныхоо чанарыг таниж, зөв сонголт хийх нь чухал юм. Үүнд анхаарч харах хэд хэдэн зүйл бий.



Цувимал эдлэхүүн: Манай улсад үйлдвэрлэгдэж байгаа хямд цонх нь металл зүрхэвчгүй хийгдсэнээр наанадаж  хэв гажилтад орох, хөшихөд амархан онгойдог зэрэг эрсдэл дагуулж байдаг. 
 
Цонхны хүрээ: Цонхны хүрээ нь хамгийн багадаа 70мм-ээс дээш өргөнтэй байх ёстой.
 
Резин: Резин нь стандартын ба стандартын бус гэсэн 2 янз байдаг. -50⁰C-д хөлдөхгүй, цаг уурын халуун хүйтний өөрчлөлтийг даах чадвартай, исэлдэж хагарч хугардаггүй, хөлддөггүй, байгаль орчинд сөрөг нөлөөгүй. Зөөлөн EPDM резин нь стандартын нөхцөлийг хангана.
 
Тасалгаа: Стандартын шаардлагад цонхны хүрээг хөндлөн огтлоход 4-с дээш тасалгаатай байхаар заасан ба түүнээс олон байх нь тухайн цонхны дулаан алдагдал багатай байх нэг шалгуур болдог.
 
Металл зүрхэвч: Стандартын бус металл зүрхэвч нь зэврэлт амархан үүсгэдэг, хэт зузаан болон нимгэн, цувималаасаа том, жижиг зэрэг зориулалтын бус байх нь элбэг. Иймд металл зүрхэвчний ханын зузаан нь 1.2 мм-ээс багагүй, зэврэлтээс хамгаалсан цайрдсан өнгөлгөөтэй, тухайн цувималдаа зориулагдсан хийц, хэмжээтэй, зориулалтын төмөр байх ба төмрийг хуванцар бэлдцийн дотор талд залгаагүй жигд хийсэн байдаг. 
 
Шил: Шил нь аль болох олон давхар байх нь тохиромжтой. Орон сууцны барилгад 3 давхар шилтэй цонх хэрэглэх ёстой бөгөөд ингэснээр цонхоор алдах дулаан эрс багасдаг.
 
Зураг: Стандартын шаардлага хангасан 3 давхар шилтэй, 7 см бүхий 5 камертай, металл зүрхэвч жааз бүхий цонхны хэсэглэлийг үзүүллээ.