Өнөөдөр үндэсний сэтгүүлчдийн эрхийн өдөр
Өнөөдөр Монголд үндэсний сэтгүүлзүйн үүсч хөгжсөний 104 жилийн ойн баяр тохиож байна.
1913 оны 3 сарын 6-ны энэ өдөр Ж.Цэвээн тэргүүтэй сэхээтнүүдийн эрхлэн гаргаж байсан “Шинэ толь хэмээх бичиг” сонины анхны дугаар хэвлэгдсэнээр Монгол Улсад тогтмол хэвлэл үүссэн хэмээн үздэг билээ. Энэ өдрийг 1992 оноос хойш “Үндэсний сэтгүүлзүйн өдөр” болгон улс даяар тэмдэглэн өнгөрүүлж байна.
Өнөөдөр Монголын Сэтгүүлчдийн Нэгдсэн Эвлэлээс ойн баярыг угтсан арга хэмжээг зохион байгууллаа.
Энэ үеэр ахмад сэтгүүлчдэд хүндэтгэл үзүүлж, “Хэвлэл мэдээллийн салбарт зохиогчийн эрхийг дээдлэх тунхаг”-ийг төрийн холбогдох байгууллагуудад гардуулж байна. Түүнчлэн “Чөлөөт хэвлэл бол чөлөөт ард иргэд мөн” аяны нээлтийн үйл ажиллагаа болов.
МСНЭ-ийн Ерөнхий нарийн бичгийн дарга С.Алтанцэцэг, Хэвлэл мэдээллийн салбарт ажиллаж байгаа сэтгүүлчид, нийт албан хаагчдад баярын мэнд хүргэе. Энэ 25 жилийн хугацаанд Монгол Улсад чөлөөт сэтгүүлзүй үндсэндээ хөгжиж байна. Төрийн мэдэлд ганц ч мэдээллийн хэрэгсэл байхгүй. Өнөөдрийн байдлаар манай улсад 400-аад хэвлэл мэдээллийн хэрэгсэл ажиллаж байгаагаас бүгд олон нийтийн статустай. Мөн хувийн хэвшлийнхэн хэвлэл мэдээллийн хэрэгсэлд хөрөнгө оруулалт хийж, нэлээдгүй хөгжүүлсэн. Манай байгууллагаас жил бүр уламжлал болгон салбарынхаа баярыг тэмдэглэж байна.
МСНЭ-ийн Ерөнхийлөгч Б.Галаарид, МУ-д хэвлэл мэдээллийн хэрэгсэл үүсч хөгжсөний 104 ойн баярыг тохиолдуулан бид “Чөлөөт хэвлэл бол чөлөөт ард иргэд мөн” аяныг нэг сарын турш зохион байгуулж байна. Хэвлэлийн эрх чөлөө гэдэг нь дан ганц хэвлэл мэдээллийн салбарынхны эрх чөлөөний асуудал бус, иргэдийн мэдэх эрхийг хангах илүү өргөн цар хүрээтэй ойлголт юм. Эн тэргүүнд хэвлэлийн эрх чөлөөнд харшилтай хууль тогтоогч, улс төрчдөд, улмаар олон нийтэд ойлгуулан сурталчлахын зэрэгцээ хэвлэл мэдээллийн салбарынхны мэргэжлийн үйл ажиллагааг хаах, боомилох утга агуулга бүхий зүйл заалтууд янз бүрийн хууль тогтоомжид орж батлагдаж байгаагаас урьдчилан сэргийлэх асуудал чухлаар тавигдаж байна. Иймд энэхүү аяныг тал бүрээр дэмжиж, Хүний эрхийн түгээмэл тунхаглал, Иргэний болон улс төрийн эрхийн тухай олон улсын факт, МУ-ын Үндсэн хуулиар баталгаажсан үзэл бодлоо илэрхийлэх эрх чөлөөг хамгаалах аянд нэгдэхийг нийт хэвлэл мэдээллийн хэрэгслүүд, салбарынхаа ажилтан ажиллагсдад уриалж байна. Та бүгдэд баярын мэнд хүргэе.
1913 оны 3 сарын 6-ны энэ өдөр Ж.Цэвээн тэргүүтэй сэхээтнүүдийн эрхлэн гаргаж байсан “Шинэ толь хэмээх бичиг” сонины анхны дугаар хэвлэгдсэнээр Монгол Улсад тогтмол хэвлэл үүссэн хэмээн үздэг билээ. Энэ өдрийг 1992 оноос хойш “Үндэсний сэтгүүлзүйн өдөр” болгон улс даяар тэмдэглэн өнгөрүүлж байна.
Өнөөдөр Монголын Сэтгүүлчдийн Нэгдсэн Эвлэлээс ойн баярыг угтсан арга хэмжээг зохион байгууллаа.
Энэ үеэр ахмад сэтгүүлчдэд хүндэтгэл үзүүлж, “Хэвлэл мэдээллийн салбарт зохиогчийн эрхийг дээдлэх тунхаг”-ийг төрийн холбогдох байгууллагуудад гардуулж байна. Түүнчлэн “Чөлөөт хэвлэл бол чөлөөт ард иргэд мөн” аяны нээлтийн үйл ажиллагаа болов.
МСНЭ-ийн Ерөнхий нарийн бичгийн дарга С.Алтанцэцэг, Хэвлэл мэдээллийн салбарт ажиллаж байгаа сэтгүүлчид, нийт албан хаагчдад баярын мэнд хүргэе. Энэ 25 жилийн хугацаанд Монгол Улсад чөлөөт сэтгүүлзүй үндсэндээ хөгжиж байна. Төрийн мэдэлд ганц ч мэдээллийн хэрэгсэл байхгүй. Өнөөдрийн байдлаар манай улсад 400-аад хэвлэл мэдээллийн хэрэгсэл ажиллаж байгаагаас бүгд олон нийтийн статустай. Мөн хувийн хэвшлийнхэн хэвлэл мэдээллийн хэрэгсэлд хөрөнгө оруулалт хийж, нэлээдгүй хөгжүүлсэн. Манай байгууллагаас жил бүр уламжлал болгон салбарынхаа баярыг тэмдэглэж байна.
МСНЭ-ийн Ерөнхийлөгч Б.Галаарид, МУ-д хэвлэл мэдээллийн хэрэгсэл үүсч хөгжсөний 104 ойн баярыг тохиолдуулан бид “Чөлөөт хэвлэл бол чөлөөт ард иргэд мөн” аяныг нэг сарын турш зохион байгуулж байна. Хэвлэлийн эрх чөлөө гэдэг нь дан ганц хэвлэл мэдээллийн салбарынхны эрх чөлөөний асуудал бус, иргэдийн мэдэх эрхийг хангах илүү өргөн цар хүрээтэй ойлголт юм. Эн тэргүүнд хэвлэлийн эрх чөлөөнд харшилтай хууль тогтоогч, улс төрчдөд, улмаар олон нийтэд ойлгуулан сурталчлахын зэрэгцээ хэвлэл мэдээллийн салбарынхны мэргэжлийн үйл ажиллагааг хаах, боомилох утга агуулга бүхий зүйл заалтууд янз бүрийн хууль тогтоомжид орж батлагдаж байгаагаас урьдчилан сэргийлэх асуудал чухлаар тавигдаж байна. Иймд энэхүү аяныг тал бүрээр дэмжиж, Хүний эрхийн түгээмэл тунхаглал, Иргэний болон улс төрийн эрхийн тухай олон улсын факт, МУ-ын Үндсэн хуулиар баталгаажсан үзэл бодлоо илэрхийлэх эрх чөлөөг хамгаалах аянд нэгдэхийг нийт хэвлэл мэдээллийн хэрэгслүүд, салбарынхаа ажилтан ажиллагсдад уриалж байна. Та бүгдэд баярын мэнд хүргэе.