Өөрийн гэсэн амины орон сууцтай болохоор төлөвлөж буй уншигчиддаа модон карказан байшин барихад хэрэгтэй мэргэжлийн зөвлөмжийг хүргэж байна.

Модон карказан барилга барихад баримтлах 4 дүрэм бий. Үүнд:

Барилгын ажлын үе шатуудыг товч тайлбарлавал:

Барилгын ажил нь тодорхой үе шатуудад хуваагдах ба тэдгээрийг барилгачид нь нарийвчлан төлөвлөж, биелүүлэх хэрэгтэй. Гэхдээ барилга барих ердийн үйл явц гэж юуг хэлэх вэ гэдэг нь бэрхшээлтэй асуудал. Энэ үйл явцад олон нөхцөл байдал нөлөөлдөг. Байшинг дангаар нь салангид баригдах уу, эсвэл хороолол бүхий цогцоор нь барих уу гэх мэт. Мөн цаг агаар, ажлын талбай дээрх нөхцөл, ажиллах хүчин болон материалын хангалт зэрэг асуудал бий.



Эдгээр асуудлыг шийдвэрлэж, өөрийн сууцтай болоход тус болох 12 зөвлөмжийг зураг дээрх 61,2 м.кв талбай сууцны төсөв өртгийн хамт хүргэе.

Үүнийг бэлтгэл үе шат гэж нэрлэдэг. Байшингийн бүх зураг төслийг хийх, түүний өөрийн өртгийг тооцох, санхүүжилтийн асуудлыг шийдэх, барилга барих болон бусад зөвшөөрлүүдийг авах зэрэгт зарцуулах хугацааг сайтар тооцоолох хэрэгтэй. Мөн барилгын талбай руу очих замыг засах, цахилгаан түр зуур хангах асуудлыг шийдэх нь энэ үе шатанд багтана. Бэлтгэл үе шатанд зарцуулагдах хугацааг урьдчилан тооцохоос л гол ажил эхэлнэ шүү дээ.

Барилгын эхний үе шатанд барилгын талбай дээр улаан шугам татах ажил хийгдэнэ. Суурийн зураг төслийн дагуу суурийн нүхний хэмжээсүүдийг зөв тавих хэрэгтэй. Ерөнхийдөө улаан шугам татах ажил нэг өдөр болдог. Үүнд нар болон салхины чиглэлийг тогтоох, усны урсгал, цасны хунгарлалт, цонхоор харагдах байдал зэргийг тооцож төлөвлөлт хийх нь багагүй хүч хөдөлмөр, цаг хугацаа шаардаж магадгүй шүү.

Улаан шугам татах ажил дууссаны дараа суурийн нүх ухах ажил эхэлдэг. Хэрэв суурь ухах газар руу орох зам чөлөөтэй, зөв арга хэрэглэх юм бол суурийн нүхийг ухах ажилд нэг л өдөр хангалттай байдаг. Харин суваг ухах, инженерийн сүлжээг байрлуулах, хэв хашмалаа хуулж авах, суурийн хана болон багануудын цутгалтад бэлтгэх зэрэг ажилд их хугацаа шаардагдана.

Хэв хашмал хийх, бетон, зуурмаг цутгах, хэв хашмалаа хуулах, цутгалтад хяналт тавих зэрэг суурийн ажлыг туршлагатай туслан гүйцэтгэгч нар хэдэн өдөрт хийдэг. Ус тусгаарлах, ус зайлуулах хоолойг суурилуулах, буцаан булах зэрэг ажилд дахиад нэг, эсвэл хоёр өдрийг зарцуулна. Хөрсний өнгөн хэсэг буюу ухаж гаргасан шороог дахин булахад болон зүлэгжүүлэлтэд ашиглахаар хадгалах хэрэгтэй. Энэ нь гаднаас шороо зөөх ажлыг хөнгөвчилдөг. Подвалийн шал болон суурийг инженерийн шугам сүлжээг байрлуулсны дараа гүйцэтгэх нь тохиромжтой.

Цаг агаарын таагүй нөхцөлөөс барилгын дараагийн үе шатны ажлуудыг хамгаалахын тулд карказыг дээвэртэй нь угсрах ажлыг эхэлдэг. Яндан байршуулах, шат хийх, эсвэл урьдчилан бэлтгэсэн шатыг байрлуулах зэрэг нь карказын ажлын нэг хэсэг юм.

Карказын ажил дууссаны дараа хаалга болон цонхнуудыг суулгах ажил эхэлнэ. Төмөр эдлэлүүд, хормогч, цоож зэргийг суулгах нь энэ ажилд багтана. Хүрээний гадна заслын ажлыг нарийн мужаан гүйцэтгэнэ. Хаалга, цонхны нээлхийн дотор талын чигжээсийг хийнэ.

Энэ үе шатыг карказын ажил дуусахаас өмнө эхэлж болохгүй. Усны сувгийг дотоод сүлжээ болон хэрэглээний цэгт холбоно. Энэ үед угаалтуур, шүршүүрийн холболтыг хийвэл зүгээр. Зуухыг агаар дамжуулагч буюу яндан хоолойтой, эсвэл эргүүлэх сэнстэй дулаалгын систем суурилуулна. Байшиндаа бүхэлд нь цахилгаан болон холбооны шугам татаж, галын дохиолол болон зурагт, компьютер холбох залгууруудыг суурилуулдаг.

Гадна засалд тоосгоор өнгөлөх, шавардлага хийх, өнцөг булангуудыг засах, модны усны хаялга тогтоох, дээвэрт ус зайлуулах хоолой байрлуулах, цонх хаалганы эргэн тойронд чигжээс хийх ажлууд багтана. Мөн зарим тохиолдолд хашлага хийх, будаг хийх, өнгө хувиргах зэрэг нь энэ үе шатанд хамаардаг.

Хэрэв дулаан тусгаарлагчийг хийх үед бороо, ус чийгэнд норохооргүй нөхцөлд байвал энэ ажлыг гадна засалтай зэрэг гүйцэтгэж болно. Дулаан, агаар, уур тусгаарлагч хийх бол нэлээд хэд хоног шаардагдана.

Дотоод засал нь үндсэндээ шал, хана, тааз хийхээс эхэлдэг. Дотор хаалга, хүрээ, гоёлын хөвөөнүүдэд зориулагдсан модон эдлэлүүд, шатны хайсны шон, бариул зэрэг шал, тааз, ханыг будах юм уу лакан өнгөлгөө хийхэд бэлэн болсон үед л хийгддэг.

Энэ үе шатны эхэнд будалт болон лакан өнгөлгөө хийгддэг. Дараа нь өлгөдөг ханын шүүгээ, бусад мебель, түүнчлэн хананд шаазан хавтангуудыг байрлуулна. Энэ үед ус дамжуулах шугамыг бүрэн дуусгаж, цахилгааны утсыг бүх залгуур, гэрлийн унтраалга, галын дохиололд холбоно. Энэ бүхний дараа ажлаа шалгаж, нягтлаад цэвэрлэгээ хийснээр дуусна.

Сүүлийн үе шатанд гадна талбайн төлөвлөлт, автомашин орох зам, шат, гишгүүр хийх, зүлэгжүүлэлт, мод бут тарих зэрэг ажлууд хамаарна. 



Дэлгэрэнгүй мэдээллийг "БАРИЛГА.МН" сэтгүүлээс авна уу.