Та үл хөдлөх хөрөнгөө зуучлуулан борлуулахаар шийдсэн үү? Тэгвэл танд бяцхан зөвлөгөөг хүргэе. Манай улсад Үл хөдлөх хөрөнгө, орон сууц борлуулах зуучийн компаниуд цөөнгүй бий. Харин үл хөдлөх хөрөнгөө зуучлуулахын тулд юуны өмнө “Реалтор” буюу таны хөрөнгийг зуучлан борлуулах хүнийг зөв сонгох нь чухал юм шүү. Та реклам зар сурталчилгаанд хууртан сонголт хийхээ түр азнаад дараах зөвлөгөөнд анхаарлаа хандуулаарай.

   “Ямар нэгэн зууч таних уу?” гэж асуухын оронд “Ойрын хугацаанд ямар нэгэн байр орон сууц зарсан реалтор таних уу?” гэж асуусан нь дээр шүү. Мөн реалтороо сонгохдоо та хэд хэдэн зүйлийг шалгаад үзэх хэрэгтэй. Үүнд:

1. Харилцааны ур чадварыг нь шалга

Эхлээд зуучлагчтайгаа цаг тохирон уулз, цахим шуудан илгээгээд үз. Таны зууч хэр зэрэг хариу өгч байгаа нь хамгийн анхны шалгуур болох юм. Байраа бусдад үзүүлэх хэрэг гарлаа гэхэд “Манай реалтор хаана байгаа бол?” гэж санаа зовохгүйн тулд тэдний хэр хурдан хариу өгч байгааг анзаарах нь зүйтэй. 

2. Туршлагатай эсэхийг тодруул

Хүний хувийн асуудалд хэт дурласан хэрэг байж магадгүй ч, та дараах хэдэн асуултыг зуучлагчаасаа асуугаад үзээрэй.

• Энэ бизнест хөл тавиад хэр удаж байна вэ?
• Өнгөрсөн жил хэдэн байр зарсан бэ?
• Таны листингийн хэдэн хувь нь амжилттай зарагдсан бэ?
• Таны зарсан орон сууцнуудын үнийг зах зээлийн үнэтэй нь харьцуулбал?

3. Маркетингийн ур чадварыг нь шалга

Байраа хурдан зарахын тулд аль болох олон хүнд зарыг хүргэх хэрэгтэй. Үүний тулд дараах асуултуудыг зуучлагчаасаа асуугаарай.

• Та манай байрыг хэрхэн борлуулах вэ?
• Сошиал медиаг хэр зэрэг ашиглах вэ?
• Та ямар материал ашиглах вэ? (Ихэнх борлуулалтыг онлайнаар буюу цахим ертөнцөөр дамжуулан хийдэг болсон ч тараах материалыг бэлтгэх хэрэгтэй.)
• Зар сурталчилгаанд хэр их мөнгө зарцуулах вэ?

4. Хямдыг нь битгий хай

Хамгийн бага хувь авдаг агент байлаа гээд хамгийн сайн нь гэсэн хэрэг биш шүү дээ.  Үйлчилгээний чанар, итгэлцэл нь илүү чухал гэдгийг санаарай. 

Орон Сууцны Бирж

Утас: 99907815