Олон олон өндөр цамхаг томоохон хотуудын нэр хүнд, өнгө үзэмжийн илэрхийлэл болон сүндэрлэсээр буй. Харин хамгийн сүүлд Нью-Йорк хотноо дэлхий дээрх хамгийн урт бөгөөд нарийхан цамхагийг байгуулахаар архитекторууд болон барилгачид ажиллаж байна. “Big Bend” хэмээх уг цамхаг нь одоогоор хамгийн өндөрт тооцоогдоод буй Дубайн Бурж Халифаас ч урт, цаасны хавчаар буюу U-хэлбэртэй байх аж.

   1,218 метр өндөртэй “Big Bend” цамхагийг Нью-Йоркийн тэрбумтнуудын хэв маягийг илэрхийлсэн томоохон бүтээн байгуулалт болно хэмээн төлөвлөж байгаа гэнэ. Хэт орчин үеийн загвар төлөвлөлттэй мэт боловч төв хэсэг нь бүрх малгайтай чинээлэг эрчүүдийн дүрсээр гол санаагаа дүрсэлсэн аж. Хэт их зардалтай өндөр барилга барьж байна гэсэн шүүмжлэлийн эсрэг архитекторууд нь ийнхүү хариу барих зорилгоор бүрх малгайтай баян эрчүүдийн дүрсийг гол санаагаа болгожээ.

   “Big Bend”-ийн зохион байгуулагчдын зүгээс, “Бид хамгийн сүүлийн үеийн, хамгийн өндөр барилгыг барьж байна. Гэтэл яагаад түүний үнэ өртөгт санаа зовно гэж? Үл хөдлөх хөрөнгийн өндөр зэрэглэлийн үйл ажиллагаа нь өөрөө үнэтэй байдаг шүү дээ.” гэсэн байна.

  Одоогоор хамгийн өндөрт тооцоогдоод буй Бурж Халиф цамхаг нь 829 метр өндөртэй юм.