Сурагчдын сурч боловсрох эрх нь зөрчигдөж байгааг эсэргүүцсэн 29-р тусгай дунд сургуулийн сурагчдын эсэргүүцэл намжаагүй байхад дахин нэг асуудал дэгдлээ. 2017 оны 4-р сарын 4-нөөс 5-ныг шилжих шөнө тус сургуулийн биеийн тамирын талбайд барилгын ажил эхлүүлсэн байна.

   Гэтэл уг талбайг 29-р сургууль болон барилгын ажлыг эхлүүлсэн СБД-ийн Нийгмийн даатгалын хэлтсээс Нийслэлийн засаг даргын орлогчидтой хэлэлцэж, холбогдох баримт бичгийг бүрдүүлж авсан тухай мэдэгджээ. Барилгын тухай хуулийн дагуу барилгын ажлыг ийнхүү эхлүүлснээ тэд тайлбарлаж байгаа юм. 



   Энэ талаар Нийслэлийн засаг даргын тамгын газрын холбогдох албан тушаалтнууд дээрх маргаанд тайлбар хийхдээ Нийслэлийн газрын албаны дарга Э.Болорчулуун, 29-р тусгай дунд сургуулийн сурагчдын ар гэрийнхэн, эцэг эхчүүдээс нэлээд их гомдол ирсний дагуу уг асуудлыг шат дараалалтайгаар хянаж үзлээ. Тус сургуулиас 900 м.кв талбай бүхий газрыг СБД-ийн Нийгмийн даатгалын хэлтэст Нийгмийн хамгааллын төвийн зориулалттайгаар Газрын тухай хуулийг зөрчин Төрийн байгууллагаас төрийн байгууллагад 38-р тогтооллын шийдвэргүйгээр олгосныг тогтоосон. Үүнийг Нийслэлийн засаг даргаас 2017 оны 4-р сарын 5-ны өдрийн А184 тоот захирамж гаргаж, хүчингүй болголоо.

Өмнө нь ч Нийслэлийн засаг даргын зүгээс сургууль, цэцэрлэгийн газар дээр газар олголт хийсэн тохиолдолд шийдвэрийг цуцалж, хуулийн дагуу тухайн газарт нь эзмшүүлнэ гэдгээ мэдэгдэж байсан. Түүнчлэн Нийслэлийн Онцгой байдлын газраас сургуулийн орчны газрыг гамшиг гарсан тохиолдолд онцгой бүст тооцож, дуудлагаар цуглах газар хэмээн зарласан байдаг. Харин СБД-ийн Нийгмийн даатгалын хэлтсээс хүсэлт гаргавал энэ газартай нь дүйцэхүйц газрыг өөр байршилд шийдвэрлэх боломжтой гэдгийг хэлмээр байна гэлээ.