"Сайншандын салхин станц"-ын хөрөнгийг 4-р сард шийдвэрлэнэ хэмээн найдаж байна
Сайншандын станцыг барихад 117,5 сая ам.доллар шаардлагатай. Доноговь аймгийн Сайншандаас таван км зайд, Улаантолгойд 52 мВт хүчин чадалтай салхин станц барих болсон. Германы "Ферростаал индустриал прожектс" компани "Сайншандын салхин парк" төслийн гол хувьцаа эзэмшигч, төсөл хэрэгжүүлэгч юм. Хөрөнгө оруулагч банкууд эрсдлийг тооцсон зарим заалтыг гэрээнд нэмж оруулахаар хэлэлцэж байгаа гэнэ. Ялангуяа улс төрийн эрсдлийг өндөрт авч үзэж байгаа аж. Манай улс дөрөвдүгээр сарын сүүлчээр санхүүжилтын асуудлаа шийдчихвэл барилгын ажил зургаадугаар сарын 1-нээс өмнө эхлүүлэхээр төлөвлөж байгаа хэмээн "Сайншанд салхин парк" компанийн гүйцэтгэх захирал Р.Давааням хэлж байлаа. Дээрх станцийг 18 сарын хугацаанд барихаар төлөвлөж буй.
Төсөл хэрэгжүүлэгчид цахилгаан худалдан авах гэрээг 2014 онд байгуулсан бөгөөд нэг кВт/цаг эрчим хүчийг 9,5 центээр нийлүүлэхээр тусгажээ. Эцсийн байдлаар 117,5 сая ам.долларын хөрөнгө оруулах шаардлагатай гэсэн тооцоо гарсан. Үүний 70 хувийг гадаадын хөрөнгө оруулагчдаас авах агаад үлдэх хувийг төсөл хэрэгжүүлэгчид санхүүжүүлэх юм.
Уг станцийг анх жилд 190 сая кВт/цаг эрчим хүч үйлдвэрлэх хүчин чадалтай хэмээн мэдээлж байсан бол төсөл хэрэгжүүлэгчдийн технологийн судалгаанд 201 сая кВт/цаг эрчим хүч үйлдвэрлэнэ гэсэн урьдчилсан тооцоо гарсан байна.
Төсөл хэрэгжүүлэгчид цахилгаан худалдан авах гэрээг 2014 онд байгуулсан бөгөөд нэг кВт/цаг эрчим хүчийг 9,5 центээр нийлүүлэхээр тусгажээ. Эцсийн байдлаар 117,5 сая ам.долларын хөрөнгө оруулах шаардлагатай гэсэн тооцоо гарсан. Үүний 70 хувийг гадаадын хөрөнгө оруулагчдаас авах агаад үлдэх хувийг төсөл хэрэгжүүлэгчид санхүүжүүлэх юм.
Уг станцийг анх жилд 190 сая кВт/цаг эрчим хүч үйлдвэрлэх хүчин чадалтай хэмээн мэдээлж байсан бол төсөл хэрэгжүүлэгчдийн технологийн судалгаанд 201 сая кВт/цаг эрчим хүч үйлдвэрлэнэ гэсэн урьдчилсан тооцоо гарсан байна.