Барилгын салбартай холбоотой дөрвөн стандартыг хэлэлцэн баталлаа
Стандартчиллын үндэсний зөвлөл хуралдаж, 32 асуудлыг хэлэлцсэнээс барилгын салбартай холбоотой дөрвөн асуудлыг хэлэлцсэн байна. Ингэхдээ,Барилгын гадна ариутгах татуургын вакуум систем ба ариутгах татуургын систем. 1-р хэсэг: Барилгын гадна ариутгах татуургын вакуум систем MNS EN 1091:2015, Орон сууцны барилгын мэдээлэл, холбооны суурин сүлжээний төлөвлөлт. Ерөнхий шаардлага, Барилгын зураг Барилга байгууламжийн мэдээлэл, холбоо, дохиоллын ажлын зураг төсөл боловсруулах. Ерөнхий шаардлага MNS 3757-14:2016, Барилгын зураг. Мэдээлэл, холбоо, дохиоллын тоног төхөөрөмжийн тэмдэглэгээ MNS 5532:2016 зэрэг стандартуудыг баталжээ.
Дээрх стандартуудыг:
Дээрх стандартуудыг:
- “Шинэ бүтээн байгуулалт” дунд хугацааны зорилтот хөтөлбөрийг хэрэгжүүлэх үйл ажиллагааны төлөвлөгөөний тухай” Засгийн газрын 2010 оны 343 дугаар тогтоол,
- Монгол Улсын Засгийн газрын 2010 оын 38 дугаар тогтоол, 2011 оны 89 дүгээр тогтоолоор батласан Евро стандартыг нутагшуулах хөтөлбөр, түүнийг хэрэгжүүлэх төлөвлөгөө
- “100000 айлын орон сууц” хөтөлбөр
- УИХ-ын 2014 оны 43 дугаар тогтоол Ногоон хөгжлийн бодлого батлах тухай хөтөлбөр
- Засгийн газрын 2007 оны 222 дугаар тогтоолоор батласан “Барилгын материалын үйлдвэрлэлийг хөгжүүлэх мастер төлөвлөгөө 2007-2015 он”
- 2013 оны барилгын салбарын стандартчиллын үзлэгийн дүн
- Барилгын салбарын 2016-2017 оны стандартчиллын хөтөлбөр зэргийг үндэслэн боловсруулсан.
Энэ нь:
- Барилгын гадна ариутгах татуургын вакуум систем ба ариутгах татуургын систем. 1-р хэсэг: Барилгын гадна ариутгах татуургын вакуум систем
Энэхүү Евро стандартад ямар материалаар хийгдсэнээс үл хамааран ахуйн хэрэглээний бохир усны ариутгах татуургын сөрөг даралттай (вакуум) системийн ажиллагаанд тавих шаардлагууд, ман ариутгах татуургын вакуум системийн зураг төсөл боловсруулагчид, угсралт болон ашиглагчдад зориулсан үзүүлэлтүүдийг дэлгэрэнгүй зааж өгсөн байна. Түүнчлэн энэ EN 1091 стандарт нь ахуйн хэрэглээнээс гарах бохир усны ариутгах татуургын вакуум системийн зураг төсөл боловсруулах, угсралтын ажлыг гүйцэтгэх удирдамж юм. Харин системийн бүрэлдэхүүн хэсгүүдийг холбогдох бүтээгдэхүүний стандарттай харьцуулж үнэлнэ.
- Орон сууцны барилгын мэдээлэл, холбооны суурин сүлжээний төлөвлөлт. Ерөнхий шаардлага
Сүүлийн үед орон сууцны барилгад мэдээлэл холбооны технологийн техникийн дэвшил болсон шилэн кабел, интернэт, кабелын телевиз болон МХТ-ийн гурвалсан үйлчилгээний сүлжээ суурилуулах албан ёсны стандарт байхгүйгээс холбооны зураг төсөл боловсруулах, магадлалын дүгнэлт хийхэд бэрхшээл их гарч байгаа. Иймд энэ стандартаар Монгол Улсын нутаг дэвсгэрт шинээр баригдаж байгаа орон сууцны барилгын мэдээлэл холбооны суурин сүлжээг төлөвлөх арга зүйг тодорхойлоход оршино.
- Барилгын зураг Барилга байгууламжийн мэдээлэл, холбоо, дохиоллын ажлын зураг төсөл боловсруулах. Ерөнхий шаардлага MNS 3757-14:2016
MNS 3757-14 стандарт нь Монгол Улсын хэмжээнд шинээр баригдаж буй барилгын байгууламж, объектын дотор холбоо-дохиоллын ажлын зураг төсөл боловсруулдаг байгууллага, аж ахуйн нэгж, хувь хүн, ажлын зураг төслийн дагуу угсралтын ажлыг гүйцэтгэж, байнгын ашиглалтанд хүлээж авах барилгын захиалагч, гүйцэтгэгч нар хэрэглэх бөгөөд бүх салбарын барилга байгууламжийн дотор холбоо-дохиоллын ажлын зураг төслийн баримт бичгийн бүрэлдэхүүн ба тэдгээрийг боловсруулах шаардлага, дүрмийг тогтоож өгсөн.
- Барилгын зураг. Мэдээлэл, холбоо, дохиоллын тоног төхөөрөмжийн тэмдэглэгээ MNS 5532:2016
Энэ стандарт нь барилга, байгууламж зураг төсөлд холбоо, мэдээллийн кабел шугам, тэдгээрийн тоног төхөөрөмжүүдийн тэмдэг, тэмдэглэгээг мэдээлэл, холбоо, дохиоллын угсралтын ажил гүйцэтгэдэг иргэн, аж ахуй нэгж байгууллагууд холбоо-дохиоллын ажил гүйцэтгэх, зураг төсөлд тэмдэглэх, уншихад хамаарна.
