Өнөөдөр "Хот байгуулалтын форум" 5 дахь удаагаа зохион байгуулагдлаа. Энэ жилийн тухайд "Ногоон хот байгуулалт" сэдвийн дор БХБЯ, БОНХАЖЯ, НҮБ-ын Хөгжлийн хөтөлбөр, НҮБ-ын Хүн амын нутагшилт, сууршлын хөтөлбөр, НҮБ-Хабитат, Ногоон эдийн засгийн төлөөх түншлэл PAGE, Японы улсын хамтын ажиллагааны ЖАЙКА байгууллагууд хамтран зохион байгуулав.

Форумаар "Монгол Улсын ногоон хөгжлийн бодлого"-ын баримт бичгийг олон нийтэд таниулах, ялангуяа аймаг, нийслэл, орон нутаг тус бодлогын баримт бичигтэй уялдуулан хот байгуулалтын үйл ажиллагааг хэрэгжүүлэх, ногоон эдийн засаг, ногоон хот, ногоон барилгын үзэл баримтлалыг баримтлан ажиллах талаар хэлэлцэж, энэ чиглэлийн илтгэлүүд тавигдсан юм. 

         БХБЯ-ны Төрийн нарийн бичгийн даргын үүргийг түр орлон гүйцэтгэгч М.Болортуяа,  



Дэлхий нийтийн хандлага ногоон эдийн засаг, ногоон хөгжилрүү чиглэсэн. Манай улс НҮБ-аас туслалцаа авч ногоон болгох ажлыг эхлүүлсэн анхны 7 улсын нэг. Иймд төр засгийн зүгээс эрүүл аюулгүй, тав тухай байлгах, "Монгол хүн хөтөлбөр"-ийг хэрэгжүүлэх энэ бүх ажлын хүрээнд ногоон байгууламж, ногоон хотыг хөгжүүлэх ажилд шамдан орсон. Энэхүү форумаас гарах үр дүн, зөвлөмжийг БХБЯ-ны зүгээс төрийн бодлогод суулгаж, иргэдийн төлөө үйлчлэх, хууль журамд шингээх үүргийг хариуцан, чиглэлээ болгон ажиллаж байна. Цаашдаа дэлхийн шинэ техник, технологи бүрийг нэвтрүүлэх, дэлхийн жишигт нийцсэн эко барилгыг барихад гол анхаарлаа хандуулж байна.

        Нийслэлийн Засаг даргын Экологи, ногоон хөгжлийн асуудал хариуцсан орлогч Т.Батэрдэнэ,



Өнгөрсөн жил "Мянганы хөгжил бодлого" хөтөлбөр хийгдэж, дараагийн 15 жилд ногоон хөгжлөөр хийгдэх ажлын ерөнхий дүр төрхийг гаргаж чадсан. Бид энэ чиглэлээр хэд хэдэн төсөл, хөтөлбөр хэрэгжүүлж, байнга оролдлого хийж байна. Үүн дээр үндэслэн алхам алхамаар урагшлах шийдвэр гаргасан. Эхний байдлаар цэвэрлэх байгууламж, цэвэр усны хангамжийн ажлыг нэн түрүүнд хийж дуусгахаар эхлүүлсэн.